Thursday
January 2021
June 25, 2020 09:42:59 am IST
ലണ്ടന്: ആഗോളതലത്തില് കൊവിഡ് രോഗികളുടെ എണ്ണം 95.15 ലക്ഷമായി. കൊവിഡ് ബാധിച്ച് മരിച്ചവരുടെ എണ്ണം 4.83 ലക്ഷമായി. അമേരിക്കയിലാണ് ഏറ്റവും കൂടുതല്‍ രോഗികള്‍ . 24.62 ലക്ഷം രോഗികളാണ് ഇവിടെയുള്ളത്. അതേ സമയം അമേരിക്കയില് മരിച്ചവരുടെ എണ്ണം 1.24 ലക്ഷമാണ്. ബ്രസീലില് 11.92 ലക്ഷംപേര്ക്കാണ് കൊവിഡ് ബാധിച്ചത്. 53,874 പേര് മരിച്ചു.
അതേ സമയം കൊവിഡ് വൈറസിനെതിരായി വികസിപ്പിച്ച വാക്്സിന് ഉപയോഗിച്ച് യുകെയില് മനുഷ്യരില്‍ രണ്ടാം ഘട്ട പരീക്ഷണം ആരംഭിച്ചു. ലണ്ടനിലെ ഇംപീരിയല് കോളജ് വികസിപ്പിച്ച വാക്‌സിന്‍ പരീക്ഷണമാണ് രണ്ടാം ഘട്ടത്തിലേക്ക് കടന്നത്.
300 സന്നദ്ധപ്രവര്ത്തകരാണ് രണ്ടാം ഘട്ടത്തിലെ പഠനത്തില് പങ്കെടുക്കുന്നത്. നേരത്തേ, വാക്‌സിന്‍ മൃഗങ്ങളില് പരീക്ഷിച്ചപ്പോള് ഫലപ്രദമായ പ്രതിരോധ പ്രതികരണം സൃഷ്ടിക്കാന് സാധിച്ചതിനെ തുടര്ന്നാണ് മനുഷ്യരിലെ പരീക്ഷണ ഘട്ടത്തിലേക്ക് നീങ്ങിയത്. രണ്ടാം ഘട്ടത്തിലാണ് വാക്‌സിന്‍ പ്രയോഗിച്ചവരില് രോഗത്തിനെതിരെ പ്രതിരോധശേഷി പരീക്ഷിക്കുന്നത്.
