Thursday
January 2021
July 09, 2020 12:14:52 pm IST
ലഡാക്ക്: സംഘര്ഷമുണ്ടായ ഇന്ത്യ-ചൈന അതിര്ത്തി പ്രദേശത്ത് ചൈനീസ് സേനയുടെ പിന്മാറ്റത്തെ തുടര്ന്ന് ബഫര് സോണ് ഒരുക്കുന്നു. നിലവില്‍ സംഘര്‍ഷം നടന്ന മൂന്ന് മേഖലകളില് നിന്ന് ചൈന പിന് മാറിയ സാഹചര്യത്തിലാണ് ഈ നടപടി. ചര്ച്ചകളിലൂടെ സമാധാന നടപടികളുടെ ആദ്യഘട്ടമെന്ന നിലയിലാണ് അതിര്ത്തി മേഖലകളായ ഗോഗ്ര, ഹോട്ട് സ്പ്രിംഗ്സ്, പങ്കോങ് ഫിന്ഗേഴ്സ് എന്നിവിടങ്ങളില് നിന്നും ചൈന പിന്മാറിയത്.
അതേസമയം പെട്രോളിങ് പോയിന്റ് 15 ല്‍ ഇന്ന് ചൈനീസ് സേന 2 കിലോമീറ്റര് പിന്മാറിയതായി ഇന്ത്യന്‍ സൈന്യം സ്ഥിരീകരിച്ചു. ഇതിനെ തുടര്ന്നാണ് ബഫര്‍സോണ്‍ നിര്ണയിക്കുന്നത്.ഇതിന് ശേഷം ശാശ്വത പരിഹാരത്തിനായുള്ള ചര്ച്ചകള് വീണ്ടും തുടരും.
എന്നാല്, രാജ്യത്തിന്റെ സുരക്ഷ എന്നത് പവിത്രവും പ്രദേശങ്ങളുടെ സമഗ്രത വിലപേശാനാകാത്തതുമാണെന്നും അവ കാത്തുസൂക്ഷിക്കേണ്ടത് സര്ക്കാരിന്റെ ഉത്തരവാദിത്തമാണെന്നും കോണ്ഗ്രസ് വിഷയത്തില് പ്രതികരിച്ചു. ഇപ്പോള് അതിര്‍ത്തിയില്‍ ബഫര്‍സോണ്‍ നിര്ണയിക്കുന്നതിലെ നിലപാട്, സംഘര്ഷ മേഖലയില് ഇന്ത്യന്‍ സേനക്ക് പെട്രോളിങ്ങിന് കഴിയില്ലെന്ന് പുതിയ പ്രോട്ടോകോളില്‍ ഉണ്ടോ, അതിര്ത്തിയിലെ സൈനിക വിന്യാസം സംബണ്ഡിച്ച് ചൈനയുമായി തര്‍ക്കം ഉണ്ടായിട്ടുണ്ടോ എന്നിങ്ങിനെയുള്ള കാര്യങ്ങള് പ്രധാനമന്ത്രി രാജ്യത്തിനോട് വിശദീകരിക്കണമെന്ന് കോണ്ഗ്രസ് വക്താവ് രണ്ദീപ് സുര്ജെവാല ആവശ്യപ്പെട്ടു.
