Thursday
January 2021
June 12, 2020 07:36:05 pm IST
ന്യൂഡല്ഹി: വളരെ വിശാലമായിരുന്ന ഇന്ത്യ-യു.എസ് ബന്ധം ഇപ്പോള് പ്രതിരോധത്തില് മാത്രമാണ് ശ്രദ്ധ കേന്ദ്രീകരിക്കുന്നതെന്ന് കോണ്ഗ്രസ് നേതാവ് രാഹുല്‍ ഗാന്ധി. ഇന്ത്യയും അമേരിക്കയും തമ്മിലുണ്ടായിരുന്ന സഹിഷ്ണുതയുടെ ഡി എന്‍ എ നഷ്ടമായിരിക്കുകയാണെന്നും അദ്ദേഹം അഭിപ്രായപ്പെട്ടു. കൊറോണവൈറസ് പ്രതിസന്ധി ലോകക്രമത്തെ പുനര്നിര്മിക്കുന്നതെങ്ങനെ എന്ന വിഷയത്തില് മുന്‍ അമേരിക്കന്‍ നയതന്ത്രജ്ഞന് നിക്കോളാസ് ബേണ്സുമായി നടത്തിയ ഓണ്‍ലൈന്‍ സംവാദത്തിനിടെയായിരുന്നു രാഹുല്ഗാന്ധിയുടെ വിശകലനം.
ഇന്ത്യയും അമേരിക്കയും തമ്മിലുള്ള ബന്ധം നിലനിന്ന് പോയിരുന്നതിന് കാരണം ഇരുരാജ്യങ്ങളും പാലിച്ചു പോന്ന വ്യവസ്ഥകള് സഹിഷ്ണുതയുടെ അടിസ്ഥാനത്തിലായിരുന്നത് കൊണ്ടാണ്. കുടിയേറ്റക്കാരുടെ രാജ്യമാണ് അമേരിക്ക എന്ന് താങ്കള് പറഞ്ഞു. എന്നാല്, ഇന്ത്യ വളരെ സഹിഷ്ണുത കാത്തു സൂക്ഷിക്കുന്ന രാഷ്ട്രമാണ്. നമ്മുടെ ഡി എന്‍ എ സഹിഷ്ണുതയാണ്. എന്നാല്, നിലവില്‍ ഇരുരാജ്യങ്ങളുടെയും സഹിഷ്ണുത സഷ്ടപ്പെട്ടിരിക്കുകയാണെന്നും രാഹുല്ഗാന്ധി പറഞ്ഞു.
ഇന്ത്യ യു എസ് ബന്ധത്തില് ഇതു വരെ എന്തെല്ലാം മാറ്റങ്ങള് സംഭവിച്ചു എന്നാണ് താങ്കള് വിശ്വസിക്കുന്നതെന്ന ചോദ്യത്തിന് വിദ്യാഭ്യാസം, പ്രതിരോധം, ആരോഗ്യം, ഒന്നിലധികം മേഖലകള് എന്നിവയുമായി ബന്ധപ്പെട്ട എല്ലാ പ്രവര്ത്തനങ്ങളും പ്രതിരോധത്തിലേക്ക് മാത്രമായി ശ്രദ്ധ കേന്ദ്രീകരിച്ചിരിക്കുന്നു എന്ന് രാഹുല്‍ അഭിപ്രായപ്പെട്ടു.
കോണ്ഗ്രസ് അധികാരത്തിലുണ്ടായിരുന്ന കാലത്ത് നിലവില്‍ വന്ന ഇന്ത്യ യു എസ് ആണവ കരാറിന്റെ ചര്ച്ചകളില് സജീവ പങ്കാളിയായിരുന്നു ബേണ്സ്. വൈറസ് പ്രതിസന്ധി ആരംഭിച്ചത് മുതല്‍ റിസര്വ് ബേങ്ക് മുന്ഗവര്ണര് രഘുറാം രാജന്, സാമ്പത്തിക ശാസ്ത്രത്തിലെ നോബെല് സമ്മാന ജേതാവ് അഭിജിത് ബാനര്ജി, എപ്പിഡെമിയോളജിസ്റ്റ് ജോഹാന് ഗീസെക്കെ, വ്യവസായി രാജീവ് ബജാജ് എന്നിവരുമായും രാഹുല്‍ ഗാന്ധി കൊറോണക്കാലത്തിന് ശേഷമുള്ള ലോകത്തെക്കുറിച്ച് ചര്‍ച്ച നടത്തിയിരുന്നു.
