Friday
January 2021
June 27, 2020 06:08:19 pm IST
ന്യൂഡല്ഹി: അതിര്‍ത്തിയില്‍ ചൈനീസ് സൈനികര് പ്രകോപനം തുടരുന്നു. പാംഗോങ് തടാകത്തിന് സമീപം ഫിംഗര് നാല് പ്രദേശത്ത് ചൈന ഹെലിപാഡ് നിര്മ്മാണം തുടങ്ങിയതായാണ് റിപ്പോര്ട്ടുകള്. പാംഗോങ് തടാകത്തിന്റെ തെക്കന് തീരങ്ങളില് ചൈന സൈനിക സാന്നിധ്യവും കൂട്ടി. ഇതിന്റെ ഉപഗ്രഹ ദൃശ്യങ്ങള് ഉള്പ്പെടെയുള്ള വിവരങ്ങള് പുറത്തുവന്നിട്ടുണ്ട്.
ഈ മേഖലയില് നേരത്തെ താത്കാലിക ടെന്റുകള് നിര്മ്മിച്ച ചൈന ഇപ്പോള് കോണ്ക്രീറ്റ് ഉപയോഗിച്ചുള്ള സ്ഥിരം കേന്ദ്രങ്ങള് നിര്മിക്കാന് ആരംഭിച്ചതായാണ് ഇന്ത്യന്‍ എക്സ്പ്രസ് റിപ്പോര്‍ട്ട്‌ ചെയ്യുന്നത്. കൂടുതല്‍ ആയുധങ്ങള് സൈനിക വാഹനങ്ങള് എന്നിവയും ഈ പ്രദേശത്തേക്ക് ചൈന എത്തിച്ചിട്ടുണ്ട്.
പാംഗോങ് തടാകത്തിന് സമീപമുള്ള മേഖലയില് ഇന്ത്യന്‍ പട്രോളിങ് സംഘത്തെ ചൈനീസ് സൈനിക സംഘം തടസ്സപ്പെടുത്താനും ശ്രമമുണ്ടായി. ഫിംഗര് രണ്ടിലേക്ക് പിന്മാറണമെന്ന് ഇന്ത്യന്‍ സൈനികരോട് ചൈനീസ് സേന ആവശ്യപ്പെട്ടതായാണ് വിവരം.
സമാധാന ചര്ച്ചകള് നടക്കുന്നതിനിടെ ചൈന പ്രകോപനം തുടരുന്ന സാഹചര്യത്തില് ഇന്ത്യയും ഈ മേഖലയില് സൈനിക സാന്നിധ്യം ശക്തമാക്കി. ഐടിബിപി, കരസേന ഉള്‍പ്പെടെ 45,000ത്തോളം സൈനികരെ പ്രദേശത്ത് വിന്യസിക്കാനാണ് ഇന്ത്യയും തയ്യാറെടുക്കുന്നത്.
കൂടുതല്‍ സൈന്യത്തെ അതിര്‍ത്തിയില്‍ വിന്യസിച്ചിരിക്കുകയാണ് ചൈന. ഗാല്വാന് ഹോട്ട്സ്പ്രിംഗ് മേഖലയില് ഉടനീളം കൂടുതല്‍ സേനാംഗങ്ങളെ നിയോഗിച്ചു. പാന്ഗോംഗ് തടാകത്തോട് ചേര്ന്നുള്ള മലനിരകളില് കൂടുതല്‍ ടെന്റുകളുടെ നിര്മാണം തുടങ്ങിയിട്ടുണ്ട്.
നേരത്തെ ഇവിടെ നിന്ന് പിന്മാറുമെന്ന് ചൈന അറിയിച്ചിരുന്നുവെങ്കിലും ഇതുവരെ പിന്മാറിയിട്ടില്ല. രണ്ട് സൈന്യങ്ങളും തമ്മിലുള്ള അകലം കേവലം അരക്കിലോമീറ്റര് മാത്രമായി മാറിയിട്ടുണ്ട്. ചൈനയുടെ ഭാഗത്തുനിന്ന് പിന്മാറാന് അനുകൂലമായ നടപടി ക്രമങ്ങള് ഇതുവരെ ഉണ്ടായിട്ടില്ല. ചൈന ഭൂമിക്കടിയില് ആയുധങ്ങള് ഒളിപ്പിക്കാനായി നിര്മിക്കുന്ന ആയുധപുരകളുടെ ചിത്രങ്ങളും ഇന്ത്യയ്ക്ക് ലഭിച്ചിട്ടുണ്ട്. ചൈന സൈന്യത്തിന്റെ വിന്യാസം വര്ധിപ്പിക്കുന്നതായി ഉപഗ്രഹ ചിത്രങ്ങളില് നിന്നും വ്യക്തമാകുന്നുണ്ട്.
