അമേരിക്കയിലെ വാഷിങ്ടൺ സംസ്ഥാനത്തെ റന്റൺ നഗരത്തിൽ നടന്ന വെടിവെപ്പിൽ മൂന്നു പേർ കൊല്ലപ്പെട്ടു. സംഭവത്തിന് ശേഷം പ്രതി രക്ഷപ്പെടുകയായിരുന്നു. ഇയാളെ പിടികൂടാൻ പൊലീസ് തിരച്ചിൽ ആരംഭിച്ചിട്ടുണ്ട്.
മിഡോ ക്രെസ്റ്റ് പ്ലേഗ്രൗണ്ടിനും പിക്കിൽബോൾ-ടെന്നീസ് കോർട്ടിനും അടുത്തായാണ് വെടിവെപ്പ് നടന്നത്. വെടിവെപ്പ് വൈകിട്ട് 7.30യ്ക്കാണ് നടന്നത്. സംഭവസ്ഥലത്ത് കനത്ത പൊലീസ് സാന്നിധ്യമാണ് ഇപ്പോഴും തുടരുന്നത്.
മരിച്ചവരുടെ പേര് വിവരങ്ങൾ ഇതുവരെ പുറത്തുവിട്ടിട്ടില്ല. അന്വേഷണം പുരോഗമിക്കുകയാണ്. സംഭവസ്ഥലത്ത് പൊലീസും അന്വേഷണ സംഘവുമുണ്ട്.
ജൂലൈ 11-ന് റന്റൺ ട്രാൻസിറ്റ് സെന്ററിലുണ്ടായ മറ്റൊരു വെടിവെപ്പിൽ 52-കാരൻ ഗുരുതരമായി പരിക്കേറ്റ് ഇപ്പോഴും ആശുപത്രിയിൽ ചികിത്സയിലാണ്. ആ കേസിൽ മൂന്ന് പ്രതികളെ പൊലീസ് അറസ്റ്റ് ചെയ്തിരുന്നു.
പുതിയ സംഭവത്തോടെ റന്റൺ മേഖലയിൽ സുരക്ഷാ ആശങ്ക വീണ്ടും ഉയരുന്നുണ്ട്. ജനങ്ങളെ സാവധാനത്തോടെയും ജാഗ്രതയോടെയും പെരുമാറാൻ പൊലീസ് അഭ്യർത്ഥിച്ചിട്ടുണ്ട്.
Violence in Washington: Three Found Dead in Shooting; Manhunt Intensified to Nab Suspect
