അജു വാരിക്കാട്
ഹൂസ്റ്റൺ, ടെക്‌സസ് – ഹൂസ്റ്റണിലെ ട്രിനിറ്റി മാർത്തോമ്മാ ചർച്ചിന്റെ അസിസ്റ്റന്റ് വികാരി റവ. റോഷൻ വി മാത്യു, സഭയുടെ ക്രമീകരണം പ്രകാരം ഇന്ത്യയിൽ കൽക്കട്ട മാർത്തോമ ഇടവകയിലേക്ക് സ്ഥലം മാറി പോകന്നതിൽ ടെക്‌സസിലെ ഹൂസ്റ്റണിലുള്ള ഇമ്മാനുവൽ മാർത്തോമ്മാ ചർച്ച്, ശുശ്രൂഷയ്ക്ക് ശേഷം യാത്രയയപ്പ് യോഗം ക്രമീകരിച്ചു യാത്രയയപ്പ് നൽകി.
റവ. റോഷൻ വി മാത്യു വിശുദ്ധ കുർബാനയ്ക്ക് നേതൃത്വം നൽകി. ശുശ്രൂഷാ വേളയിൽ, റവ. റോഷൻ മർക്കോസ് 10: 46-52 ൽ യേശു ഒരു അന്ധനെ സുഖപ്പെടുത്തിയ കഥയിൽ നിന്ന് പ്രചോദനം ഉൾക്കൊണ്ടു”പുതിയ ദർശനം” എന്ന വിഷയത്തിൽ പ്രസംഗിച്ചു. ലോകത്തെ സാമൂഹിക അന്ധത, ആത്മീയ ബധിരത, ആവശ്യമുള്ളവരെ സഹായിക്കാനുള്ള നിസ്സംഗത എന്നിവയെക്കുറിച്ച് അദ്ദേഹം സംസാരിച്ചു. സൗഖ്യം നൽകുവാനും കാഴ്ചപ്പാട് മാറ്റാനും കഴിയുന്ന യേശുവുമായി കൂടുതൽ അടുക്കുവാൻ അദ്ദേഹം സഭയെ ഉദ്ബോധിപ്പിച്ചു.
ആരാധനയ്ക്ക് ശേഷം ഇമ്മാനുവൽ മാർത്തോമ്മാ ഇടവക വികാരി റവ.റവ.ഈപ്പൻ വർഗീസ് അധ്യക്ഷത വഹിച്ച യാത്രയയപ്പ് യോഗത്തിൽ ഇമ്മാനുവൽ ഇടവക അസിസ്റ്റന്റ് വികാരി റവ.സന്തോഷ് തോമസ്, റിട്ട. റവ. ജോർജ്ജ് വർഗീസ് എന്നിവർ ആശംസകൾ അറിയിച്ചു. കഴിഞ്ഞ നാല് വർഷമായി ട്രിനിറ്റി മാർത്തോമ്മാ ഇടവകയിൽ റവ.റോഷൻ അച്ചന്റെ സേവനത്തിന് നന്ദി പറഞ്ഞുകൊണ്ട് ഇമ്മാനുവൽ മാർത്തോമ ഇടവക അദ്ദേഹത്തിന് യാത്രയയപ്പ് നൽകി.
റവ.റോഷൻ അച്ചൻ സമൂഹത്തിന് നൽകിയ സംഭാവനകളെ അനുസ്മരിക്കുന്ന പരിപാടിയായിരുന്നു യാത്രയയപ്പ് സമ്മേളനം. ഇമ്മാനുവൽ മാർത്തോമ്മാ സഭ അദ്ദേഹത്തിന്റെ ഭാവി പ്രവർത്തനങ്ങൾക്ക് ആശംസകൾ നേരുകയും അദ്ദേഹത്തിന്റെ സേവനങ്ങൾക്ക് നന്ദി രേഖപ്പെടുത്തുകയും ചെയ്തു.
