പി പി ചെറിയാൻ
സിസിലി :പ്രവാസി മലയാളി ഫെഡറേഷൻ യൂറോപ്പ് കുടുംബ സംഗമം ജൂൺ 19ന് ഞായറാഴ്ച ഇറ്റലി സിസിലിയ പാത്തിയിൽ വെച്ച് വിജയകരമായി സംഘടിപ്പിച്ചു . പി എം എഫ് ഇറ്റാലിയൻ കോഡിനേറ്റർ ബെന്നി തെങ്ങുംപള്ളിൽ അധ്യക്ഷത വഹിച്ചു സിസിലിയ റീജിയൺ സെക്രട്ടറി ജിനോ ഫിലിപ്പ് സ്വാഗതം ആശംസിച്ചു .പ് എം എഫ് യൂറോപ്പ് കുടുംബസംഗമത്തിനു നാനാ ഭാഗങ്ങളിൽ നിന്നും ലഭിച്ച നിറഞ്ഞ പങ്കാളിത്തം പ്രശംസനീയമാണെന്നും കൂടുതൽ അംഗങ്ങളെ ഉൾക്കൊള്ളിച്ച് പ്രവർത്തനങ്ങൾ ശക്തമാക്കി മുന്നോട്ട് കൊണ്ടുപോകുമെന്നും അധ്യക്ഷൻ പ്രസംഗത്തിൽ വ്യക്തമാക്കി.
പി എം എഫ് ഗ്ലോബൽ ജനറൽ സെക്രട്ടറി വർഗീസ് ജോൺ സമ്മേളനം ഉദ്ഘാടനം ചെയ്തു.സംഘടനയുടെ നേതൃത്വത്തിൽ നാളിതുവരെ നടത്തിയ പ്രവർത്തനങ്ങളെക്കുറിച്ചും ഭാവി കർമ്മപരിപാടികളെ കുറിച്ചും വിശദമായി ഒരു രൂപരേഖ അംഗങ്ങളുമായി സെക്രട്ടറി പങ്കുവച്ചു. ഗ്ലോബൽ വൈസ് പ്രസിഡൻറ് സാജൻ പട്ടേരി മുഖ്യപ്രഭാഷണം നടത്തി. ഒരുമയോടുള്ള കൂട്ടായ്മ പ്രവർത്തനങ്ങളുടെ ആവശ്യകതയെക്കുറിച്ച് പട്ടേരി ലളിതമായി പ്രതിപാദിച്ചു. പി എം എഫ് ഗ്ലോബൽ ചെയര്മാന് ഡോ ജോസ് കാനാട്ട് ,പ്രസിഡന്റ് എം പി സലിം എന്നിവരുടെ ആശംസാ സന്ദേശം സദസ്സിൽ വായിച്ചു .
പി എം എഫ് യു കെ കോഡിനേറ്റർ ബിനു ആൻറണി ആശംസ പ്രസംഗം നടത്തി യൂറോപ്പിലെ പ്രവർത്തനങ്ങൾക്ക് യുകെ നാഷണൽ കമ്മിറ്റിയുടെ എല്ലാ സഹായ സഹകരണങ്ങളും വാഗ്ദാനം ചെയ്തു തുടർന്ന് മാൾട്ട നാഷണൽ കമ്മിറ്റിയുടെ ഉദ്ഘാടനം സാജൻ പട്ടേരി നിർവഹിച്ചു.
മാട്ടയുടെ കോ-ഓർഡിനേറ്റർ ആൽബിൻ, പ്രസിഡണ്ട് നിഥിൻ തമ്പി, ജനറൽ സെക്രട്ടറി ടോണി ജോസഫ് , ട്രഷറർ റോബി ജോസഫ് എന്നിവരെ ഉൾപ്പെടുത്തി നാഷണൽ കമ്മിറ്റി രൂപീകരിച്ചു മാൾട്ട നാഷണൽ കമ്മിറ്റിയുടെ പ്രവർത്തനങ്ങൾക്ക് എല്ലാവരുടേയു സഹായ സഹകരണങ്ങൾ ഭാരവാഹികൾ അഭ്യർത്ഥിക്കുകയും യൂറോപ്പ് കുടുംബ സംഗമത്തിന് ആശംസകൾ അറിയിക്കുകയും ചെയ്തു റീജിയണിനുവേണ്ടി ജോയ് പൂഞ്ഞാർ ആശംസകൾ അറിയിച്ചു.എബി ചന്ദ്രത്തുവാക്കിൽ നന്ദി പറഞ്ഞു . വിവിധ കലാപരിപാടികളോടും വിഭവസമൃദ്ധമായ ഉച്ചഭക്ഷണത്തോടും കൂടെ സമ്മേളനം സമംഗളം പര്യവസാനിച്ചു.
