സൈമണ്‍ മുട്ടത്തില്
ഒഹായോ :2022 ജൂലൈ 21 മുതല്‍ 24 വരെ കെസിസിഎന്‍എ കണ്‍വന്‍ഷനിലെ ക്നാനായ മന്നന്‍-മങ്ക മത്സരത്തിന്‍റെ പ്രോഗ്രാം ചെയര്‍പേഴ്സണായി ജയ കുളങ്ങരയെ തിരഞ്ഞെടുത്തു. സംഘടനാമികവുകൊണ്ടും കലാസാംസ്കാരികരംഗത്തെ പ്രവര്‍ത്തനങ്ങള്‍കൊണ്ടും മികവ് തെളിയിച്ച ജയ കുളങ്ങരയുടെ നേതൃത്വത്തിലുള്ള ഇത്തവണത്തെ ക്നാനായ മന്നന്‍-മങ്ക മത്സരം ഉന്നതനിലവാരം പുലര്‍ത്തുന്നതും രസകരവും വിജ്ഞാനപ്രദവുമായിരിക്കുമെന്ന് കെസിസിഎന്‍എ ലെയ്സണ്‍ ഡോ. ദിവ്യ വള്ളിപ്പടവില്‍ പറഞ്ഞു. ജയ കുളങ്ങരയോടൊപ്പം ഈ മത്സരത്തിന്‍റെ കോ-ചെയേഴ്സായി ലിസ് ജോസഫ്, ജാക്ലിന്‍ ജേക്കബ് താമറാത്ത്, ഷീബ ചെറുശ്ശേരില്‍, ജസി പള്ളിക്കിഴക്കേതില്‍ എന്നിവരെ തിരഞ്ഞെടുത്തതായി കെസിസിഎന്‍എ പ്രസിഡന്‍റ് സിറിയക് കൂവക്കാട്ടില്‍ അറിയിച്ചു.
കേരള റൗണ്ട്, ടാലന്‍റ് റൗണ്ട്, പ്ലാറ്റ്ഫോം റൗണ്ട് എന്നീ മൂന്ന് ഇനങ്ങളിലായാണ് ക്നാനായ മന്നന്‍-മങ്ക മത്സരം അരങ്ങേറുന്നതെന്ന് ജയ കുളങ്ങര അറിയിച്ചു. ക്നാനായ മന്നന്‍-മങ്ക മത്സരത്തില്‍ പങ്കെടുക്കുവാനായി മുന്നോട്ടുവന്ന എല്ലാ മത്സരാർഥികളും വിവിധ മേഖലകളില്‍ പ്രതിഭ തെളിയിച്ചിട്ടുള്ളവരാണെന്നും, ഇത്തവണത്തെ ക്നാനായ മന്നന്‍-മങ്ക മത്സരം വളരെ രസകരവും വാശിയേറിയതും, വിജ്ഞാനപ്രദവുമായിരിക്കുമെന്നും ഇതിന്‍റെ കോഓര്‍ഡിനേറ്റേഴ്സായി പ്രവര്‍ത്തിക്കുന്ന ചെയര്‍മാന്‍ ജയ കുളങ്ങര (847 778 2104), ലിസ് ജോസഫ് (803 622 3414), ജാക്ലിന്‍ താമറാത്ത് (914 413 4188), ഷീബ ചെറുശ്ശേരില്‍ (952 212 3536), ജസി ലൂക്കോസ് പള്ളിക്കിഴക്കേതില്‍ (248 705 8338) എന്നിവരെ കെസിസിഎന്‍എ എക്സിക്യൂട്ടീവിന്‍റെ പേരില്‍ അനുമോദിക്കുന്നു എന്നും കെസിസിഎന്‍എ എക്സിക്യൂട്ടീവിനുവേണ്ടി സെക്രട്ടറി ലിജോ മച്ചാനിക്കല്‍ അറിയിച്ചു.
