അറ്റ്‌ലാന്റാ: നോര്‍ത്ത് അമേരിക്കന്‍ പെന്തക്കോസ്തല്‍ റൈറ്റേഴ്‌സ് ഫോറം അറ്റ്‌ലാന്റ ചാപ്റ്റര്‍ മാധ്യമപ്രവര്‍ത്തകരുടെ സമ്മേളനവും ഭാരവാഹികളുടെ തെരഞ്ഞെടുപ്പും അറ്റ്‌ലാന്റ ചര്‍ച്ച് ഓഫ് ഗോഡ് ഓഡിറ്റോറിയത്തില്‍ നടന്നു.
അറ്റ്‌ലാന്റാ ഐപിസി സഭ ശുശ്രൂഷകന്‍ പാസ്റ്റര്‍ ചെറിയാന്‍ സി. ഡാനിയലിന്റെ പ്രാര്‍ത്ഥനയോടെ ആരംഭിച്ച യോഗത്തില്‍ കെ.പി.ഡബ്യു.എഫ് ദേശീയ പ്രസിഡന്റ് രാജന്‍ ആര്യപ്പള്ളില്‍ അദ്ധ്യക്ഷത വഹിച്ചു. ബിലിവേഴ്‌സ് ജേര്‍ണല്‍ ചീഫ് എഡിറ്ററും ചര്‍ച്ച് ഓഫ് ഗോഡ് കേരള സ്റ്റേറ്റ് ജോയിന്റ് സെക്രട്ടറിയുമായ പാസ്റ്റര്‍ സാംകുട്ടി മാത്യു അനുമോദന പ്രസംഗവും പാസ്റ്റര്‍ സി.വി. ആന്‍ഡ്രൂസ് ആശംസയും അറിയിച്ചു.
പാസ്റ്റര്‍ സി വി ആന്‍ഡ്രൂസ് (രക്ഷാധികാരി), സാം. റ്റി. സാമുവല്‍ (പ്രസിഡന്റ്), പാസ്റ്റര്‍ എബി മാമ്മന്‍ (വൈസ് പ്രസിഡന്റ് ) ഷാജി വെണ്ണിക്കുളം (സെക്രട്ടറി), ചെറിയാന്‍ കെ. വി (ജോയിന്റ് സെക്രട്ടറി), എബ്രഹാം തോമസ് (ട്രഷറര്‍), സിസ്റ്റര്‍ അഞ്ചു സ്റ്റാന്‍ലി ലേഡീസ് പ്രതിനിധി എന്നിവരെ തുടര്‍ന്ന് നടന്ന തെരഞ്ഞെടുപ്പില്‍ ചാപ്റ്റര്‍ ഭാരവാഹികളായി തെരഞ്ഞെടുത്തു .
നോര്‍ത്ത് അമേരിക്കന്‍ കേരള പെന്തക്കോസ്തല്‍ റൈറ്റേഴ്‌സ് ഫോറം നാഷണല്‍ ഭാരവാഹികളായി രാജന്‍ ആര്യപ്പള്ളി, സാം മാത്യു, നിബു വെള്ളവന്താനം, എബിന്‍ അലക്‌സ്, ഡോ. ജോളി ജോസഫ് , ഡോ. ഷൈനി സാം, വെസ്‌ളി മാത്യൂ എന്നിവര്‍ പ്രവര്‍ത്തിക്കുന്നു.
