Thursday, March 28, 2024

HomeBusinessട്വിറ്ററില്‍ കൂട്ട രാജി; നൂറു കണക്കിനു ജീവനക്കാര്‍ പടിയിറങ്ങി

ട്വിറ്ററില്‍ കൂട്ട രാജി; നൂറു കണക്കിനു ജീവനക്കാര്‍ പടിയിറങ്ങി

spot_img
spot_img

ട്വിറ്ററില്‍നിന്നു ജീവനക്കാരുടെ കൂട്ട രാജി. നൂറു കണക്കിനു പേരാണ് രാജി നല്‍കി കമ്ബനിയുടെ പടിയിറങ്ങിയത്. ഇതു താന്‍ കാര്യമാക്കുന്നില്ലെന്ന് ഇലോണ്‍ മസ്‌ക് പ്രതികരിച്ചു.

ഒന്നുകില്‍ അതികഠിനമായ തൊഴില്‍ രീതിയിലേക്കു മാറുക, അല്ലെങ്കില്‍ കമ്ബനിയിലെ സേവനം അവസാനിപ്പിക്കുക എന്നായിരുന്നു മസ്‌കിന്റെ അന്ത്യ ശാസനം. തന്നോടൊപ്പം താത്പര്യമുള്ളവര്‍ക്കു നില്‍ക്കാം, അല്ലാത്തവര്‍ക്കു വ്യാഴാഴ്ച അഞ്ചു മണിക്കു മുമ്ബായി രാജി നല്‍കാം എന്നായിരുന്നു ട്വിറ്റ് അറിയിച്ചത്.

മസ്‌ക് നല്‍കിയ സമയപരിധി അവസാനിക്കും മുമ്ബു തന്നെ നൂറു കണക്കിനു ജീവനക്കാര്‍ ട്വിറ്ററിലൂടെ തന്നെ രാജി പ്രഖ്യാപിച്ചു.

ട്വിറ്റര്‍ പൂട്ടാന്‍ പോവുകയാണോ എന്നാണ്, കൂട്ട രാജിയോടു പ്രതികരിച്ചുകൊണ്ട് ഒരു ഉപഭോക്താവ് മസ്‌കിനോട് ആരാഞ്ഞത്. കൊള്ളാവുന്നവരൊക്കെ ബാക്കിയുണ്ട്, അതുകൊണ്ട് കൂട്ട രാജി താന്‍ കാര്യമാക്കുന്നില്ലെന്നായിരുന്നു മസ്‌കിന്റെ മറുപടി.

spot_img
RELATED ARTICLES
- Advertisment -spot_img

Most Popular

Recent Comments