ലോകമെമ്ബാടുമുള്ള സിനിമാപ്രേമികള്‍ ഏറെ പ്രതീക്ഷയോടെ കാത്തിരിക്കുന്ന ബ്രഹ്മാണ്ഡ ചിത്രമായ അവതാര്‍ 2 കേരളത്തില്‍ പ്രദര്‍ശിപ്പിക്കില്ലെന്ന് തിയേറ്റര്‍ ഉടമകളുടെ സംഘടനയായ ഫിയോക്. വിതരണക്കാര്‍ കൂടുതല്‍ തുക ചോദിക്കുന്നതും മിനിമം 3 ആഴ്ച സിനിമ പ്രദര്‍ശിപ്പിക്കണമെന്ന ഉടമ്ബടി അംഗീകരിക്കാന്‍ സാധിക്കാത്തതുമാണ് തീരുമാനത്തിന് പിന്നില്‍.
അന്യഭാഷ ചിത്രങ്ങള്‍ പ്രദര്‍ശിപ്പിക്കുന്നതിന് 50:50 മാനദണ്ഡം നിലവിലുണ്ട്. അത് ലംഘിക്കുന്ന സിനിമകള്‍ പ്രദര്‍ശിപ്പിക്കില്ലെന്ന് ഫിയോക് പറയുന്നു. ഡിസംബര്‍ 16നാണ് അവതാര്‍ ദി വേ ഓഫ് വാട്ടര്‍ റിലീസ് ചെയ്യുന്നത്. ഇംഗ്ലീഷിന് പുറമെ ഹിന്ദി,തെലുങ്ക്,തമിഴ്,കന്നട ഭാഷകളിലും ചിത്രം പ്രദര്‍ശനത്തിനെത്തും.
