വാഹനമോടിക്കുന്ന എല്ലാവരും വാഹന ഇൻഷുറൻസ് എടുക്കണമെന്ന് നിയമം അനുശാസിക്കുന്നു. എന്നാൽ പലരും അവരുടെ പോളിസി നോക്കുമ്പോൾ, ഏതു തരം കവറേജ് ആണെന്നതും നമ്പറുകളും കൊണ്ട് ആശയക്കുഴപ്പത്തിലാകുന്നു. നിങ്ങളുടെ ഓട്ടോ പോളിസിയിലെ നിബന്ധനകളും നമ്പറുകളും എന്താണ് അർത്ഥമാക്കുന്നത് എന്ന് മനസിലാക്കുന്നത് നിങ്ങൾക്ക് മതിയായ കവറേജ് ഉണ്ടെന്ന് ഉറപ്പാക്കാൻ അത്യന്താപേക്ഷിതമാണ്.
ബാധ്യതാ കവറേജ് (liability coverage )
നിങ്ങൾ ഒരു അപകടത്തിലാകുമ്പോൾ തെറ്റ് നിങ്ങളുടെ ഭാഗത്താണെങ്കിൽ പോലും , ബാധ്യതാ കവറേജ് മറ്റേ കാറിനുള്ള കേടുപാടുകൾക്കും പരിക്കേറ്റ എല്ലാവർക്കും ആവശ്യമായ വൈദ്യസഹായം നൽകും. നിങ്ങൾ ഏറ്റവും കുറഞ്ഞ തുകക്ക് എങ്കിലും ബാധ്യതാ ഇൻഷുറൻസ് എടുക്കണമെന്നു നിയമം അനുശാസിക്കുന്നു. ബാധ്യതാ കവറേജ് സാധാരണയായി മൂന്ന് സംഖ്യകളായി കാണപ്പെടുന്നു; ഈ മൂന്ന് സംഖ്യകൾ ഓരോ വ്യക്തിക്കുമുണ്ടായ ശാരീരിക ക്ഷതം, ആക്‌സിഡന്റ് മൂലമുണ്ടായ നാശനഷ്ടങ്ങൾ , മറ്റു നഷ്ടങ്ങൾ എന്നിവയ്ക്കുള്ള നിങ്ങളുടെ പോളിസിയുടെ പരിധികളാണ്. സംഖ്യകൾ ആയിരക്കണക്കിന് ഡോളറുകളെ പ്രതിനിധീകരിക്കുന്നു.
നിങ്ങളുടെ ബാധ്യതാ പരിധികൾ 50/100/50 ആണെങ്കിൽ, പരുക്കിന് ഒരാൾക്ക് $50,000, ഒരു ആക്‌സിഡന്റ്ന് $100,000, മറ്റ് നാശ നഷ്ടങ്ങൾക്ക് $50,000 എന്നിവ നിങ്ങൾക്കു ലഭിക്കുന്നു . നിങ്ങൾക്കെതിരെയുള്ള ഒരു ക്ലെയിമിൽ നിങ്ങളുടെ ഇൻഷുറൻസ് കമ്പനി അടയ്‌ക്കുന്ന പരമാവധി തുകകളാണിത്.
സമഗ്രമായ കവറേജും അപകട കവറേജും (Comprehensive and Collision)
ഈ രണ്ട് കവറേജുകളും കിഴിവു തുകകളായി നിങ്ങളുടെ പോളിസിയിൽ ദൃശ്യമാകും. അവയിൽ ഓരോന്നും നിങ്ങളുടെ വാഹനത്തിന് സംഭവിച്ച കേടുപാടുകൾക്കുള്ള കവറേജാണ്, എന്നാൽ അവ വ്യത്യസ്ത തരത്തിലുള്ള ക്ലെയിമുകൾക്ക് ബാധകമാണ്. നിങ്ങളുടെ കാറിന് ലോൺ ഉണ്ടെങ്കിൽ, ഈ രണ്ട് തരത്തിലുള്ള കവറേജുകളും നിങ്ങൾ വഹിക്കേണ്ടതുണ്ട്.
അപകടമുണ്ടായാൽ നിങ്ങളുടെ വാഹനത്തിനുണ്ടാകുന്ന കേടുപാടുകൾക്കുള്ളതാണ് ‘കൊളിഷൻ കവറേജ്’. ഒരു ക്ലെയിം ഉന്നയിക്കുകയാണെങ്കിൽ നിങ്ങളുടെ പോക്കറ്റിൽ നിന്ന് പോകുന്ന തുകയാണ് കിഴിവ് . മിക്ക കേസുകളിലും, അപകടത്തിൽ നിങ്ങളുടെ ഭാഗത്തു തെറ്റ് സംഭവിച്ചിട്ടുണ്ടെങ്കിൽ മാത്രമേ നിങ്ങൾക്ക് പിഴ ( കിഴിവ് )നൽകേണ്ടി വരാറുള്ളൂ.
ഒരു അപകടത്തിന് പുറത്തുള്ള ഏത് സാഹചര്യത്തിലും നിങ്ങളുടെ വാഹനത്തിനുണ്ടാകുന്ന കേടുപാടുകൾക്കുള്ളതാണ് സമഗ്രമായ കവറേജ്. കാലാവസ്ഥാ നാശം, നശീകരണം, മോഷണം തുടങ്ങിയ കാര്യങ്ങൾ ഇതിൽ ഉൾപ്പെടുന്നു. വീണ്ടും, ഒരു ക്ലെയിം ഉണ്ടായാൽ നിങ്ങൾ അടയ്‌ക്കേണ്ട തുകയാണ് കിഴിവ്.
ഇൻഷ്വർ ചെയ്യാത്ത മോട്ടോറിസ്റ്റ് കവറേജ്
ബാധ്യതാ കവറേജ് ഇല്ലാത്തതും കൈപ്പിഴ സംഭവിച്ചതുമായ മറ്റൊരു ഡ്രൈവർ അപകടത്തിൽ ഉൾപ്പെട്ടിട്ടുണ്ടെങ്കിൽ നിങ്ങളെ പരിരക്ഷിക്കുന്ന ഒരു കവറേജാണിത്. ഈ കവറേജിൽ അണ്ടർ ഇൻഷുറൻസ് മോട്ടോറിസ്റ്റ് അലവൻസും ഉൾപ്പെട്ടേക്കാം. മറ്റ് ഡ്രൈവർക്ക് സംഭവിച്ച എല്ലാ നാശനഷ്ടങ്ങൾക്കും പരിക്കുകൾക്കും പണം നൽകാൻ ബാധ്യതാ പരിധി വളരെ കുറവാണെങ്കിൽ വ്യത്യാസം മറയ്ക്കാൻ ഇത് സഹായിക്കും. ഈ കവറേജ് നിങ്ങളുടെ ബാധ്യതാ കവറേജിന് സമാനമായ ഫോർമാറ്റിൽ ദൃശ്യമാകും.
മെഡിക്കൽ കവറേജ് അല്ലെങ്കിൽ വ്യക്തിഗത പരിക്കിന്റെ സംരക്ഷണം
അപകടം സംഭവിക്കുമ്പോൾ വാഹനത്തിലുള്ള ആർക്കെങ്കിലും പരിക്കേറ്റാൽ അവർക്ക് വൈദ്യസഹായം നൽകുന്നതിന് ഈ കവറേജ് സഹായിക്കുന്നു. ചില സംസ്ഥാനങ്ങൾ ഈ കവറേജ് നിർബന്ധമാക്കുന്നു, ചിലേടത്തു ഇത് ഓപ്ഷണൽ ആണ്.
വാഹന ഇൻഷുറൻസ് പരിരക്ഷയുടെ പ്രധാന വിഭാഗങ്ങൾ ഇവയാണ്. നിങ്ങളുടെ പോളിസിക്ക് മറ്റ് ഓപ്‌ഷനുകൾ ഉണ്ടായിരിക്കാം, എന്നാൽ ഈ അടിസ്ഥാനകാര്യങ്ങൾ ഓട്ടോ പോളിസിയുടെ രീതികൾ മനസ്സിലാക്കാൻ നിങ്ങളെ സഹായിക്കും.
