കൊച്ചി: ട്രാന്സ് ജെന്ഡര് അനന്യ കുമാരി അലക്സിനെ (28) ഇടപ്പള്ളി ടോള് ജംക്ഷനു സമീപത്തെ ഫ്ളാറ്റില് തൂങ്ങി മരിച്ച നിലയില് കണ്ടെത്തി. മൃതദേഹം പോസ്റ്റുമോര്ട്ടത്തിനായി എറണാകുളം ഗവ. മെഡിക്കല് കോളജ് ആശുപത്രി മോര്ച്ചറിയിലേക്കു മാറ്റി. കൊല്ലം സ്വദേശിയാണ്.
ലിംഗമാറ്റ ശസ്ത്രക്രിയ നടത്തിയതില് പാളിച്ച പറ്റിയതായി അനന്യ പരാതി ഉന്നയിച്ചിരുന്നു. ഇതിലുള്ള മാനസിക വിഷമം മൂലം ആത്മഹത്യ ചെയ്തതെന്നാണ് പ്രാഥമിക നിഗമനമെന്നു പൊലീസ് പറഞ്ഞു.
കേരളത്തിലെ ആദ്യത്തെ ട്രാന്സ്ജെന്ഡര് ജോക്കിയായിരുന്നു അനന്യ.കഴിഞ്ഞ നിയമസഭാ തെരഞ്ഞെടുപ്പില് മലപ്പുറം വേങ്ങര മണ്ഡലത്തില് മത്സരിക്കാനായി നാമനിര്ദ്ദേശ പത്രിക നല്കിയിരുന്നു.
ഡി.എസ്.ജെ.പി. സ്ഥാനാര്ഥിയായാണ് അനന്യ മത്സരിക്കാന് ഒരുങ്ങിയത്. എന്നാല് പാര്ട്ടി നേതാക്കള് തന്നെ ഭീഷണിപ്പെടുത്തിയെന്ന് ആരോപിച്ച് അനന്യ തെരഞ്ഞെടുപ്പില് പിന്മാറുകയായിരുന്നു.
