കോഴിക്കോട്: 61-ാമത് സംസ്ഥാന സ്കൂള് കലോത്സവത്തില് സ്വര്ണക്കപ് നേടി കലാകിരീടം സ്വന്തമാക്കി കോഴിക്കോട്. 938 പോയിന്റ് നേടിയാണ് ആതിഥേയരായ കോഴിക്കോട് സ്വന്തം തട്ടകത്തില് കിരീടമുറപ്പിച്ചത്.
കോഴിക്കോട് സംസ്ഥാന സ്കൂള് കലോത്സവത്തില് ഇത് 20-ാം തവണയാണ്ജേതാക്കളാകുന്നത്. 918 പോയിന്റ് നേടിയ കണ്ണൂരാണ് രണ്ടാമത്. 916 പോയിന്റ് നേടി പാലക്കാടാണ് തൊട്ടുപിന്നിലുള്ളത്. തൃശൂര്, മലപ്പുറം, എറണാകുളം ജില്ലകളാണ് തൊട്ടുപിന്നിലുള്ള സ്ഥാനങ്ങളില്.
10-ാം തവണയും പാലക്കാട് ഗുരുകുലം സ്കൂളിനാണ് ഒന്നാം സ്ഥാനം. 156 പോയിന്റോടെയാണ് ഗുരുകുലം ഒന്നാമതായത്.