ബെംഗളുരു: കര്ണാടക മുഖ്യമന്ത്രിയായി സിദ്ധരാമയ്യ സത്യപ്രതിജ്ഞ ചെയ്ത് അധികാരമേറ്റു. ബെംഗളുരു ശ്രീകണ്ഠീരവ സ്റ്റേഡിയത്തില് നടന്ന സത്യപ്രതിജ്ഞ ചടങ്ങില് ഗവര്ണര് താവര്ചന്ദ് ഗെഹ് ലോട്ട് സത്യവാചകം ചൊല്ലിക്കൊടുത്തു.
വിവിധ രാഷ്ട്രീയ കക്ഷി നേതാക്കള് സത്യപ്രതിജ്ഞ ചടങ്ങിന് സാക്ഷ്യം വഹിക്കാനെത്തി.
ബിഹാര് മുഖ്യമന്ത്രി നിതീഷ് കുമാര്, ഉപമുഖ്യമന്ത്രി തേജസ്വി യാദവ് ഛത്തീസ്ഗഢ് മുഖ്യമന്ത്രി ഭൂപേഷ് ബാഘേല്, ഹിമാചല് പ്രദേശ് മുഖ്യമന്ത്രി സുഖ്വിന്ദര് സിങ് സുഖു എന്നിവര് ചടങ്ങില് പങ്കെടുത്തു. നടനും രാഷ്ട്രീയ നേതാവുമായ കമല് ഹാസനും ചടങ്ങില് പങ്കെടുത്തു.