Monday, August 8, 2022

HomeMain Storyട്രമ്പിനു മുമ്പില്‍ ഫ്‌ളോറിഡാ ഗവര്‍ണ്ണര്‍ ഡിസാന്റിസ് നിഷ്പ്രഭമെന്ന് സര്‍വെ

ട്രമ്പിനു മുമ്പില്‍ ഫ്‌ളോറിഡാ ഗവര്‍ണ്ണര്‍ ഡിസാന്റിസ് നിഷ്പ്രഭമെന്ന് സര്‍വെ

spot_img
spot_img

പി പി ചെറിയാൻ

ഫ്‌ളോറിഡാ: ഫ്‌ളോറിഡാ സംസ്ഥാന ഗവര്‍ണ്ണര്‍ ഡിസാന്റിസ് ഡൊണാള്‍ഡ് ട്രമ്പിന് മുമ്പില്‍ നിഷ്പ്രഭമാവുമെന്ന് യുവ കണ്‍സര്‍വേറ്റീവ് വോട്ടര്‍മാര്‍ക്കിടയില്‍ നടത്തിയ സര്‍വെ ചൂണ്ടികാട്ടി. ജൂലായ് 25 നാണ് സര്‍വെ ഫലം പുറത്തുവിട്ടത്.

2024 ല്‍ നടക്കുന്ന പ്രസിഡന്റ് തിരഞ്ഞെടുപ്പില്‍ നിങ്ങള്‍ ആര്‍ക്ക് വോട്ടു ചെയ്യുമെന്ന ചോദ്യത്തിന് അര്‍ത്ഥശങ്കക്കിടവില്ലാത്ത വിധമാണ് ബഹുഭൂരിപക്ഷം യുവ വോട്ടര്‍മാരും ട്രമ്പിനെ അനുകൂലിക്കുമെന്ന് വ്യക്തമാക്കിയത്.

78.7 ശതമാനം വോട്ടര്‍മാരും ട്രമ്പിനെ പിന്തുണച്ചപ്പോള്‍ ഫ്‌ളോറിഡാ ഗവര്‍ണ്ണറും, അടുത്ത തിരഞ്ഞെടുപ്പില്‍ റിപ്പബ്ലിക്കന്‍ പാര്‍ട്ടിയില്‍ നിന്നും ട്രമ്പിന് കടുത്ത വെല്ലുവിളിയുയര്‍ത്തുമെന്ന് പ്രതീക്ഷിക്കുന്ന ഫ്‌ളോറിഡാ ഗവര്‍ണര്‍ ഡിസാന്റിസിനെ വെറും 19 ശതമാനം വോട്ടര്‍മാരാണ് പിന്തുണച്ചത്. മൂന്നാമത് സൗത്ത് ഡെക്കോട്ട ഗവര്‍ണ്ണര്‍ ക്രിസ്റ്റിയെ പിന്തുണച്ചത് 1 ശതമാനവുമാണ്.

മുന്‍ സ്റ്റേറ്റ് സെക്രട്ടറി മൈക്ക് ഹോംപിയൊ(0.5), ടെഡ്ക്രൂസ്, നിക്കിഹേലി, മൈക്ക് പെന്‍സ് എന്നിവരെ 0.3 ശതമാനവും മാത്രമാണ് പിന്തുണച്ചത്.

2024 ലെ പ്രസിഡന്റ് തിരഞ്ഞെടുപ്പിനുള്ള നടപടി ക്രമങ്ങള്‍ അടുത്തുവരുംതോറും ട്രമ്പിന് വിവിധ തലങ്ങളില്‍ നിന്നും ലഭിക്കുന്ന പിന്തുണ വര്‍ദ്ധിച്ചു വരുന്നു.

ഡെമോക്രാറ്റിക് പാര്‍ട്ടി പ്രസിഡന്റ് ജൊ ബൈഡന്റെ ഭരണത്തില്‍ നിരാശരായ അമേരിക്കന്‍ ജനത ഒരിക്കല്‍കൂടി ട്രമ്പിനെ പരീക്ഷിക്കാന്‍ ശ്രമിച്ചാല്‍ അതില്‍ അത്ഭുതപ്പെടാനാവില്ല. ചില തെറ്റുകള്‍ ട്രമ്പിന് സംഭവിച്ചിട്ടുണ്ടെങ്കിലും, തന്റേടമുള്ള രാഷ്ട്രീയ നേതാവെന്ന പ്രതീതി അമേരിക്കന്‍ വോട്ടര്‍മാര്‍ക്കിടയില്‍ ശക്തിപ്രാപിക്കുകയാണ്.

spot_img
RELATED ARTICLES

LEAVE A REPLY

Please enter your comment!
Please enter your name here

- Advertisment -spot_img

Most Popular

Recent Comments