മുംബൈ: രാജ്യത്തെ പ്രധാന നഗരങ്ങളിലൊന്നായ മുംബൈയില് ഭീകരാക്രമണം നടക്കുമെന്ന് ഭീഷണി.2008ലെ മുംബൈ ഭീകരാക്രമണത്തിന്റെ മാതൃകയില് ആക്രമണം നടത്തുമെന്നാണ് ഭീഷണി.
മുംബൈ ട്രാഫിക്ക് പോലീസിന്റെ വാട്സ്ആപ്പ് നമ്ബറിലേയ്ക്കാണ് ഭീഷണിസന്ദേശം എത്തിയത്. പാക്കിസ്ഥാനില് നിന്നുള്ള ഫോണ് നമ്ബറില്നിന്നാണ് സന്ദേശം അയച്ചിരിക്കുന്നത്.
ആറുപേര് ചേര്ന്ന് നടത്തുന്ന ആക്രമണത്തില് നഗരത്തില് വലിയ പൊട്ടിത്തെറിയുണ്ടാക്കുമെന്നുമാണ് ഭീഷണി. ഒസാമ ബിന് ലാദനെയോ അജ്മല് കസബിനെയോ അയ്മന് അല് സവാഹിരിയെയോ വധിച്ചാല് അവര്ക്കു പകരം പിന്നെയും ഒരുപാട് പേരുണ്ടാകുമെന്നും സന്ദേശത്തില് പറയുന്നു.
സംഭവത്തില് മുംബൈ പോലീസും മറ്റ് കേന്ദ്ര അന്വേഷണ ഏജന്സികളും അന്വേഷണമാരംഭിച്ചു.
2008ല് മുംബൈ നഗരത്തില് നാലു ദിവസത്തോളം നീണ്ടു നിന്ന ഭീകരാക്രമണം മുമ്ബെങ്ങുമില്ലാത്ത വിധം രാജ്യത്തെ നടുക്കിയിരുന്നു. 166 ആളുകളാണ് ആക്രമണത്തില് കൊല്ലപ്പെട്ടത്