നു​ഴ​ഞ്ഞു​ക​യ​റ്റം: 11 ബം​ഗ്ലാ​ദേ​ശ് പൗരന്മാർ പി​ടി​യി​ൽ; അ​തി​ർ​ത്തി​യി​ൽ ജാ​ഗ്ര​ത​

ന്യൂ​ഡ​ൽ​ഹി: പ​ശ്ചി​മ ബം​ഗാ​ൾ, ത്രി​പു​ര, മേ​ഘാ​ല​യ എ​ന്നി​വി​ട​ങ്ങ​ളി​ലെ അ​തി​ർ​ത്തി​ക​ൾ വ​ഴി ഇ​ന്ത്യ​യി​ലേ​ക്ക് നു​ഴ​ഞ്ഞു​ക​യ​റാ​ൻ ശ്ര​മി​ച്ച 11 ബം​ഗ്ലാ​ദേ​ശ് പൗ​ര​ന്മാ​രെ അ​തി​ർ​ത്തി ര​ക്ഷാ​സേ​ന പി​ടി​കൂ​ടി. ഇ​വ​രെ ചോ​ദ്യം ചെ​യ്യു​ക​യാ​ണെ​ന്നും നി​യ​മ​ന​ട​പ​ടി​ക​ൾ​ക്കാ​യി സം​സ്ഥാ​ന പൊ​ലീ​സി​ന് കൈ​മാ​റു​മെ​ന്നും സേ​നാ വ​ക്താ​വ് അ​റി​യി​ച്ചു.

പ​ശ്ചി​മ ബം​ഗാ​ൾ, ത്രി​പു​ര അ​തി​ർ​ത്തി​ക​ളി​ൽ​നി​ന്ന് ര​ണ്ടു​പേരെ വീതവും മേ​ഘാ​ല​യ അ​തി​ർ​ത്തി​യി​ൽ​നി​ന്ന് ഏ​ഴു​പേ​രെ​യു​മാ​ണ് പി​ടി​കൂ​ടി​യ​ത്. അ​സം, ത്രി​പു​ര, മി​സോ​റാം, മേ​ഘാ​ല​യ, പ​ശ്ചി​മ ബം​ഗാ​ൾ സം​സ്ഥാ​ന​ങ്ങ​ളാ​ണ് ബം​ഗ്ലാ​ദേ​ശു​മാ​യി അ​തി​ർ​ത്തി പ​ങ്കി​ടു​ന്ന​ത്. അ​യ​ൽ​രാ​ജ്യ​ത്തെ സം​ഘ​ർ​ഷ സാ​ഹ​ച​ര്യ​വും ഇ​ന്ത്യ​ൻ സ്വാ​ത​ന്ത്ര്യ​ദി​നം അ​ടു​ത്തു​വ​രു​ന്ന​തും പ​രി​ഗ​ണി​ച്ച് അ​തി​ർ​ത്തി​യി​ൽ ജാ​ഗ്ര​ത​യി​ലാ​ണ്. അ​ന​ധി​കൃ​ത​മാ​യി ഇ​ന്ത്യ​യി​ലേ​ക്ക് പ്ര​വേ​ശി​ക്കാ​ൻ ആ​രെ​യും അ​നു​വ​ദി​ക്ക​രു​തെ​ന്ന് കേ​ന്ദ്രം നി​ർ​ദേ​ശം ന​ൽ​കി​യി​ട്ടു​ണ്ട്.

പ്ര​ക്ഷോ​ഭ​ത്തി​നി​ടെ 1200 ത​ട​വു​കാ​ർ ജ​യി​ലി​ൽ​നി​ന്ന് ര​ക്ഷ​പ്പെ​ട്ട​താ​യും ഇ​വ​ർ ഇ​ന്ത്യ​യി​ലേ​ക്ക് ക​ട​ക്കാ​ൻ ശ്ര​മി​ച്ചേ​ക്കു​മെ​ന്നും ബം​ഗ്ലാ​ദേ​ശി​ലെ സു​ര​ക്ഷ ഏ​ജ​ൻ​സി​ക​ൾ ഇ​ന്ത്യ​യെ അ​റി​യി​ച്ചി​ട്ടു​ണ്ട്. ലോ​ക​ത്തി​ലെ അ​ഞ്ചാ​മ​ത്തെ ദൈ​ർ​ഘ്യ​മേ​റി​യ ക​ര അ​തി​ർ​ത്തി​യാ​ണ് ഇ​ന്ത്യ​യും ബം​ഗ്ലാ​ദേ​ശും ത​മ്മി​ലു​ള്ള​ത്. ഇ​രു​രാ​ജ്യ​ങ്ങ​ളും 4096 കി​ലോ​മീ​റ്റ​ർ അ​തി​ർ​ത്തി പ​ങ്കി​ടു​ന്നു. ബം​ഗ്ലാ​ദേ​ശി​ലെ സം​ഘ​ർ​ഷാ​വ​സ്ഥ​യു​ടെ പ​ശ്ചാ​ത്ത​ല​ത്തി​ൽ സ്ഥി​തി നി​രീ​ക്ഷി​ക്കാ​ൻ കേ​ന്ദ്ര സ​ർ​ക്കാ​ർ അ​തി​ർ​ത്തി സു​ര​ക്ഷാ സേ​ന (ബി.​എ​സ്.​എ​ഫ്) അ​ഡീ​ഷ​ന​ൽ ഡ​യ​റ​ക്ട​ർ ജ​ന​റ​ലി​ന്റെ നേ​തൃ​ത്വ​ത്തി​ൽ ഉ​ന്ന​ത​ത​ല സ​മി​തി രൂ​പ​വ​ത്ക​രി​ച്ചി​ട്ടു​ണ്ട്.