കേരള സംസ്ഥാന ചലച്ചിത്ര വികസന കോർപറേഷൻ (കെ. എസ്. എഫ്. ഡി. സി.) മാനേജിങ്ങ് ഡയറക്ടർ കെ. വി. അബ്‌ദുൾ മാലിക്കുമായി നേർക്കാഴ്ച്ച വാരിക ചീഫ് കറസ്‌പോണ്ടന്റ് – നോവലിസ്റ്റ് സാബു ശങ്കർ നടത്തിയ അഭിമുഖം )
കേരള സംസ്ഥാന ചലച്ചിത്ര വികസന കോർപ്പറേഷൻ (കെ.എസ്.എഫ്.ഡി.സി)
കേരളത്തിലെ സാംസ്കാരിക വകുപ്പിന് കീഴിലുള്ള ഒരു സർക്കാർ-പൊതുമേഖലാ സ്ഥാപനമാണ്. പ്രാഥമികമായി
മലയാള സിനിമാ വ്യവസായത്തെ പ്രോത്സാഹിപ്പിക്കുക എന്നതാണ് ലക്ഷ്യം.
1975-ൽ സ്ഥാപിതമായതു മുതൽ കെ.എസ്.എഫ്. ഡി. സി അഞ്ച് ദശാബ്ദങ്ങളായി മലയാള സിനിമാ വ്യവസായത്തിന്റെ വളർച്ചയിലും പുരോഗതിയിലും നിർണായക പങ്ക് വഹിച്ചിട്ടുണ്ട്.
കെ.എസ്.എഫ്.ഡി.സിയുടെ ശ്രദ്ധേയമായ നേട്ടങ്ങളിലൊന്നാണ് ചിത്രാഞ്ജലി സ്റ്റുഡിയോ കോംപ്ലക്‌സ്. ദക്ഷിണേന്ത്യയിൽ നൂതന ചലച്ചിത്ര സാങ്കേതിക വിദ്യ അവതരിപ്പിക്കുന്നതിൽ ഈ സ്റ്റുഡിയോ മുൻപന്തിയിലാണ്. ഇന്ത്യയിലും നിരവധി വിദേശ ഫിലിം ഫെസ്റ്റിവലുകളിലും
അംഗീകാരങ്ങൾ നേടിയ നിരവധി സിനിമകൾ ഇവിടെ നിർമ്മിച്ചിട്ടുണ്ട്. സ്ഥിരം ഷൂട്ടിംഗ് സെറ്റുകൾ, ഷൂട്ടിംഗ് ലൊക്കേഷനുകൾ, ലാൻഡ്സ്കേപ്പുകൾ, അപ്പാർട്ടുമെന്റുകൾ, ഷൂട്ടിംഗ് നിലകൾ, ഗ്രീൻ മാറ്റ്, ഡിജിറ്റൽ ഇന്റർമീഡിയറ്റ് (DI), എഡിറ്റിംഗ്, ഡബ്ബിംഗ്, ഫോളി റെക്കോർഡിംഗ്,
, സൗണ്ട് പ്രീ-മിക്സിംഗ്, സൗണ്ട് ഫൈനൽ മിക്സിംഗ്, സിൻക് സൗണ്ട്, പൈലറ്റ് ട്രാക്ക് സൗണ്ട്
റെക്കോർഡിംഗ്, ഫിലിം
മ്യൂസിയം തുടങ്ങി വിശാലമായ സൗകര്യങ്ങൾ ചിത്രാഞ്ജലി സ്റ്റുഡിയോ വാഗ്ദാനം ചെയ്യുന്നു.
കൂടുതൽ അത്യാധുനിക സൗകര്യങ്ങളോടെ സ്റ്റുഡിയോ നവീകരിക്കാനുള്ള ശ്രമത്തിലാണ് ഞങ്ങൾ.
അത് സിനിമാ വ്യവസായത്തിന്റെ നൂതന ആവശ്യങ്ങൾ നിറവേറ്റാൻ സഹായിക്കും.
കൂടാതെ, കെ.എസ്.എഫ്.ഡി.സിയ്ക്ക്
കേരളത്തിലെ പ്രമുഖ നഗരങ്ങളിൽ സ്ഥിതി ചെയ്യുന്ന 17 സ്‌ക്രീനുകളുടെ ശൃംഖലയുണ്ട്.
ഫീച്ചർ ഫിലിമുകൾക്ക് സബ്‌സിഡികൾ നൽകുന്നു. സംസ്ഥാന – ദേശീയ – അന്തർദേശീയ അവാർഡുകൾ നേടിയ സിനിമകൾക്ക്‌ അധിക
സബ്‌സിഡികൾ നൽകുന്നു.
സർക്കാർ – സർക്കാരിതര സംഘടനകളുടെ
ഡോക്യുമെന്ററി, പരസ്യ സിനിമകൾ, പ്രൊമോഷണൽ വീഡിയോകൾ എന്നിവ സൃഷ്ടിക്കുകയും ചെയ്യുന്നു.
OTT Platform (C- SPACE)
സമീപ വർഷങ്ങളിൽ, മാധ്യമ വ്യവസായം ഗണ്യമായ പരിവർത്തനത്തിന് വിധേയമാവുകയാണ്.
OTT പ്ലാറ്റ്‌ഫോമുകളുടെ ആവിർഭാവം ഇതിൽ പ്രധാനമാണ് . ഈ ഡിജിറ്റൽ പ്ലാറ്റ്‌ഫോമുകൾ പ്രാഥമിക പ്രദർശനമാർഗമായി മാറിക്കൊണ്ടിരിക്കുന്നു.
സിനിമകൾ, ഹൃസ്വചിത്രങ്ങൾ, ഡോക്യുമെന്ററികൾ, വെബ് സീരീസ്, വിവിധ കലാപരിപാടികൾ,ഡിജിറ്റൽ രൂപത്തിലുള്ള മറ്റ് സൃഷ്ടികൾ എന്നിവ കാണുവാനും മാർക്കറ്റ് ചെയ്യുവാനും അതുവഴി നിർമ്മാതാക്കളെ സഹായിക്കുവാനും കെ. എസ്. എഫ്. ഡി. സി പുതിയൊരു ഓ. റ്റി. റ്റി ഡിജിറ്റൽ പ്ലാറ്റ്ഫോം രൂപകൽപ്പന ചെയ്തിരിക്കുന്നു. സി – സ്പേസ് എന്ന് പേരുള്ള ഈ
അത്യാധുനിക OTT പ്ലാറ്റ്ഫോം വികസിപ്പിച്ചുകൊണ്ട് സമകാലിക ദൃശ്യകലാ രൂപങ്ങൾക്ക് ദേശീയ തലത്തിലും അന്തർദേശീയ തലത്തിലും വേദിയൊരുക്കി, നവീന വ്യവസായിക പ്രവണതകളെ ഫലപ്രദമാക്കുക എന്നതാണ് ലക്ഷ്യം.
ഇതുവഴി സാംസ്കാരികമായി സമ്പന്നമായ ഉള്ളടക്കത്തിന്റെ വൈവിധ്യമാർന്ന ശ്രേണിയെ പ്രാദേശികമായും അന്തർദേശീയമായും പ്രദർശിപ്പിച്ചുകൊണ്ട്, സമൂഹത്തിന് കാഴ്ചയുടെ പുതുമ സമ്മാനിക്കുന്നു.
വിനോദത്തെയും ഒപ്പം ആഗോള സർഗ്ഗാത്മകതയെയും പരിപോഷിപ്പിക്കുന്നു.
മാധ്യമ വ്യവസായത്തിന്റെ വളർച്ചയും നമ്മുടെ പൗരന്മാർക്ക്
ഉയർന്ന നിലവാരമുള്ള വിനോദ വൈവിധ്യവും ഒരുക്കുക എന്നത് ഞങ്ങളുടെ പ്രതിബദ്ധതയാണ്.
ഡിജിറ്റൽ സൃഷ്ടികളുടെ വിതരണം പ്രോത്സാഹിപ്പിക്കുന്നതിലൂടെ
നമ്മുടെ സാംസ്കാരിക – വിനോദ മേഖലകളെ മെച്ചപ്പെടുത്തുന്നു.
സർക്കാർ പിന്തുണയുള്ള ഈ ഓ. റ്റി. റ്റി പ്ലാറ്റ്ഫോം, ചലച്ചിത്ര രംഗത്തും ദൃശ്യമാധ്യമ രംഗത്തും നടക്കുന്ന മാറ്റങ്ങളിൽ വിപ്ലവകരമായ സ്വാധീനം ചെലുത്തി പ്രയോജനപ്പെടുത്താനാണ് ഞങ്ങൾ ലക്ഷ്യമിടുന്നത്.
കലാപരമായും വിനോദപരമായും വൈവിധ്യമാർന്ന ഉള്ളടക്കത്തിന്റെ അവതരണത്തിലും ഉപഭോഗത്തിലും ഗുണനിലവാരം ഉറപ്പാക്കിക്കൊണ്ട് ഈ സി – സ്പേസ് ഓ. റ്റി. റ്റി പ്ലാറ്റ്ഫോം വിപുലമായ ദൃശ്യവിഭവങ്ങൾ നൽകും.
ഈ ഓ. റ്റി. റ്റി. പ്ലാറ്റ്ഫോമിൽ പ്രദർശനത്തിന് സൃഷ്ടികൾ തെരെഞ്ഞെടുക്കുന്ന പ്രക്രിയയിൽ സുതാര്യതയ്ക്ക് പ്രാധാന്യമുണ്ടായിരിക്കും.
ഇതുവഴി നിർമ്മാതാക്കൾക്ക് തങ്ങളുടെ സൃഷ്ടികൾ എത്ര പേർ കണ്ടുവെന്ന് മനസിലാക്കാൻ സാധിക്കും.
തീയേറ്ററുകളിലേത് പോലെ, കാണികളുടെ എണ്ണത്തെ ആശ്രയിച്ചായിരിക്കും ഇതിൽനിന്നുള്ള വരുമാന വിഹിതം നിർമ്മാതാവിന് ലഭിക്കുക. ഇതിനായി കാണികളിൽ നിന്ന് സിനിമയും മറ്റും കാണുന്നതിന് ന്യായമായ നിശ്ചിത തുക, ടിക്കറ്റ് നിരക്ക് പോലെ, ഈടാക്കുന്നു. ഈ നിരക്ക് സൃഷ്ടിയുടെ സ്വഭാവം പോലെ വ്യത്യസ്തവുമായിരിക്കും. ലോകമെങ്ങുമുള്ള കാണികൾക്ക് സൗകര്യമനുസരിച്ച് സിനിമയും മറ്റും കാണാനുള്ള വിപുലമായ വേദിയായിരിക്കും സി – സ്പെയ്സ്.
ചലച്ചിത്രങ്ങൾ കൂടാതെ, കലാരൂപങ്ങളുടെയും സാംസ്കാരിക പരിപാടികളുടെയും തത്സമയ സംപ്രേഷണം സൗകര്യവും ഉണ്ടായിരിക്കും. ഇതുവഴി കാണികളിൽ നിന്നുള്ള വരുമാനത്തിന്റെ വിഹിതം കലാകാരന്മാർക്ക് ലഭിക്കുന്നു.
മലയാള സിനിമയുടെയും നമ്മുടെ കലാ – സാംസ്കാരിക മേഖലയുടെയും വളർച്ചയ്ക്കും അംഗീകാരത്തിനും വേണ്ടിയുള്ള നൂതന പദ്ധതികൾ കാലോചിതമായി പരിഷ്കരിച്ചുകൊണ്ട് മുന്നോട്ട് പോകുകയാണ് കെ. എസ്. എഫ്. ഡി. സി.
