ഉത്തര്പ്രദേശ്: യോഗി സര്ക്കാര് കള്ളക്കേസ് ചുമത്തി വേട്ടയാടിയ ശിശുരോഗ വിദഗ്ധന് ഡോ. കഫീല് ഖാന്റെ വീട്ടില് വീണ്ടും പൊലീസ് റെയ്ഡ്.
തന്റെ പുസ്തക പ്രകാശനവുമായി ബന്ധപ്പെട്ട് കഫീല് ഖാന് കേരളത്തില് പര്യടനം നടത്തവേയാണ് അദ്ദേഹത്തിന്റെ ഗോരഖ്പൂരിലെ വീട്ടില് ഉത്തര്പ്രദേശ് പൊലീസ് പരിശോധന നടത്തുന്നത്.
പ്രായമായ ഉമ്മയും ബന്ധുവായ സ്ത്രീയും മാത്രമാണ് വീട്ടിലുള്ളത്. ഇവരെ ഭീഷണിപ്പെടുത്തിയാണ് റെയ്ഡ് തുടരുന്നതെന്ന് ഡോ. കഫീല് ഖാന് അറിയിച്ചു.
കഴിഞ്ഞ ദിവസങ്ങളില് അദ്ദേഹം കേരളത്തില് നടത്തിയ പ്രസംഗങ്ങളില് ഉത്തര്പ്രദേശിലെ മനുഷ്യാവകാശ ലംഘനങ്ങളെക്കുറിച്ചും തനിക്കെതിരെ നടക്കുന്ന വേട്ടയാടലുകളെ കുറിച്ചും സംസാരിച്ചത് ദേശീയമാധ്യമങ്ങളടക്കം വാര്ത്തയാക്കിയിരുന്നു. ഇപ്പോഴത്തെ റെയ്ഡിനെ ഈ സാഹചര്യത്തിൽ വേണം വിലയിരുത്താൻ.