ന്യൂഡല്‍ഹി : ഇന്ത്യയുടെ പരമോന്നത നീതിപീഠമായ സുപ്രീംകോടതിയെ വിമര്‍ശിച്ച്‌ ആര്‍എസ്‌എസ് മുഖപത്രമായ പാഞ്ചജന്യ. ഇന്ത്യാ വിരുദ്ധ ശക്തികള്‍ സുപ്രിംകോടതിയെ ഉപയോഗിക്കുന്നുവെന്നാണ് പത്രത്തിലെ എഡിറ്റോറിയല്‍ പരാമര്‍ശം.
ബിബിസി ഡോക്യുമെന്‍്ററിയുടെ നിരോധനവുമായി ബന്ധപ്പെട്ട ഹര്‍ജികളില്‍ കേന്ദ്ര സര്‍ക്കാരിന് സുപ്രീംകോടതി നോട്ടീസ് അയച്ചത് ചൂണ്ടിക്കാട്ടിയാണ് എഡിറ്റോറിയല്‍.
ബിബിസി പറയുന്നത് തെറ്റാണെന്നും രാജ്യത്തെ അപകീര്‍ത്തിപെടുത്താനുള്ള ശ്രമമാണ് നടക്കുന്നതെന്നും മുഖപത്രത്തില്‍ വിമര്‍ശിച്ചു. ഇന്ത്യക്കാര്‍ അടയ്ക്കുന്ന നികുതിയിലാണ് സുപ്രീം കോടതി പ്രവര്‍ത്തിക്കുന്നത്. രാജ്യത്തിന് വേണ്ടിയുള്ള നിയമങ്ങള്‍ അനുസരിച്ച്‌ പ്രവര്‍ത്തിക്കുകയുമാണ് സുപ്രീംകോടതിയുടെ ചുമതലയെന്നും എഡിറ്റോറിയലില്‍ പറയുന്നു.
