ഡല്‍ഹി: മാധ്യമങ്ങള്‍ക്കെതിരെ രൂക്ഷ വിമര്‍ശനവുമായി സുപ്രീംകോടതി ജഡ്ജി ജസ്റ്റിസ് ഡി.വൈ.ചന്ദ്രചൂഡ്.
ജഡ്ജിമാരെ ലക്ഷ്യം വച്ചുള്ള വിമര്‍ശനങ്ങള്‍ക്ക് ഒരു പരിധിയുണ്ടെന്ന് അദ്ദേഹം വ്യക്തമാക്കി.
ക്രൈസ്തവര്‍ക്കെതിരെയുള്ള അക്രമങ്ങള്‍ രാജ്യത്ത് വര്‍ധിച്ചുവരികയാണെന്നു സംബന്ധിച്ച ഹര്‍ജി പരിഗണിക്കുന്നതിനിടെയാണ് ജസ്റ്റിസിന്‍റെ പരാമര്‍ശം. ജഡ്ജിമാര്‍ ചില കേസുകള്‍ എടുക്കുന്നില്ലെന്ന മാധ്യമ വാര്‍ത്തകളിലാണ് ജസ്റ്റിസ് കടുത്ത അതൃപ്തി പ്രകടിപ്പിച്ചിരിക്കുന്നത്.
തനിക്ക് കൊവിഡ് ബാധിച്ചിരുന്നതിനാലാണ് ചില കേസുകള്‍ പരിഗണിക്കാതിരുന്നത്. അതിനു മറ്റു കാരണങ്ങളൊന്നുമില്ല. ചില മാധ്യമങ്ങള്‍ ഇത് വളച്ചൊടിക്കുകയാണെന്നും അദ്ദേഹം വ്യക്തമാക്കി
