ഡല്‍ഹി: 4ജിയെക്കാള്‍ 10 മടങ്ങ് ഇന്‍റര്‍നെറ്റ് വേഗതയുള്ള 5ജി ഇന്ത്യയുടെ പടിവാതില്‍ക്കല്‍ നില്‍ക്കെ സെല്ലുലാര്‍ സാങ്കേതികവിദ്യയുടെ ആറാം തലമുറയായ 6ജി പ്രഖ്യാപനവുമായി പ്രധാനമന്ത്രി നരേന്ദ്ര മോദി.
ഈ ദശകത്തിന്‍റെ അവസാനത്തോടെ 6 ജി അവതരിപ്പിക്കുമെന്ന് മോദി അവകാശപ്പെട്ടു.
സ്മാര്‍ട്ട് ഇന്ത്യ ഹാക്കത്തോണ്‍ 2022ന്‍റെ ഗ്രാന്‍ഡ് ഫിനാലെയെ അഭിസംബോധന ചെയ്യവേയാണ്, ഈ ദശകത്തിന്‍റെ അവസാനത്തോടെ 6ജി സേവനങ്ങള്‍ ഇന്ത്യയില്‍ ആരംഭിക്കുമെന്ന് പ്രധാനമന്ത്രി പറഞ്ഞത്.
അതേസമയം, രാജ്യത്ത് 5 ജി സേവനങ്ങള്‍ ചെലവുകുറഞ്ഞതും വിശാലവുമായ ശ്രേണിയില്‍ ലഭ്യമാക്കുമെന്ന് കേന്ദ്ര സര്‍ക്കാര്‍ പ്രഖ്യാപിച്ചു
