Wednesday, July 17, 2024

HomeNewsIndiaസഭ സംഘികള്‍ക്ക് വഴിപ്പെടുന്നു: മാര്‍പാപ്പ-മോദി കൂടിക്കാഴ്ചയെ വിമര്‍ശിച്ച് സത്യദീപം

സഭ സംഘികള്‍ക്ക് വഴിപ്പെടുന്നു: മാര്‍പാപ്പ-മോദി കൂടിക്കാഴ്ചയെ വിമര്‍ശിച്ച് സത്യദീപം

spot_img
spot_img

കൊച്ചി: നരേന്ദ്ര മോദി-ഫ്രാന്‍സിസ് മാര്‍പ്പാപ്പ കൂടിക്കാഴ്ചയുടെ പശ്ചാത്തലത്തില്‍ കത്തോലിക്കാ സഭ ബി.ജെ.പി നേതൃത്വത്തോട് സമരസപ്പെടുന്നുവെന്ന ആക്ഷേപവുമായി കത്തോലിക്കാ പ്രസിദ്ധീകരണമായ സത്യദീപം. ഫാ. സ്റ്റാന്‍ സ്വാമിയുടേതടക്കം നീതിക്കുവേണ്ടിയുള്ള നിലവിളികള്‍ ‘നിര്‍ദ്ദയമാം വിധം നിശബ്ദമാക്കപ്പെട്ടതെങ്ങനെയെന്ന് വിശദീകരിക്കപ്പെടുമോ’ എന്നാണ് സത്യദീപം ഉയര്‍ത്തുന്ന ചോദ്യം. ‘മനപൂര്‍വമാണ് മറക്കരുത്’ എന്ന തലക്കെട്ടില്‍ എഴുതിയ എഡിറ്റോറിയലിലാണ് സത്യദീപത്തിന്റെ വിമര്‍ശനം.

ഇന്ത്യയില്‍ പലയിടത്തും തീവ്ര ഹിന്ദുസംഘടനകള്‍ ക്രൈസ്തവ വിഭാഗങ്ങളെ ലക്ഷ്യമിട്ട് ആക്രമണങ്ങള്‍ നടത്തുന്നു എന്ന റിപ്പോ!ര്‍ട്ടുകള്‍ക്കിടെയാണ് ശ്രദ്ധേയമായ കൂടിക്കാഴ്ച.

ആഗോള കത്തോലിക്കാ സഭയുടെ പരമാധ്യക്ഷനുമായുള്ള ഇന്ത്യന്‍ പ്രധാനമന്ത്രിയുടെ കൂടിക്കാഴ്ചയില്‍ ഇന്ത്യയിലേക്കുള്ള ക്ഷണം മാത്രമല്ല, ക്രൈസ്തവര്‍ക്കെതിരെ ഇന്ത്യയില്‍ നടക്കുന്ന ആസൂത്രിതാതിക്രമവും ചര്‍ച്ചയാകുമോ എന്നാണ് അറിയേണ്ടത് എന്ന് സത്യദീപത്തിലെ ലേഖനത്തില്‍ ചൂണ്ടിക്കാട്ടുന്നു. സ്റ്റാന്‍ സ്വാമിയുടേതടക്കം നീതിക്കുവേണ്ടിയുള്ള നിലവിളികള്‍ നിര്‍ദ്ദയമാം വിധം നിശബ്ദമാക്കപ്പെട്ടതെങ്ങനെയെന്ന് വിശദീകരിക്കപ്പെടുമോ എന്നും അറിയാനുണ്ട്.

മാര്‍പാപ്പയെ ഇന്ത്യയിലേക്ക് ക്ഷണിക്കാന്‍ പ്രധാനമന്ത്രിയുടെമേല്‍ സമ്മര്‍ദ്ദം ചെലുത്തുന്ന സഭാ നേതൃത്വം, രാജ്യത്ത്, ക്രൈസ്തവര്‍ക്കെതിരെ ആവര്‍ത്തിക്കപ്പെടുന്ന അതിക്രമങ്ങളെ പ്രതിരോധിക്കുന്നതില്‍ വേണ്ടവിധം നിലപാടുയര്‍ത്തിയില്ല എന്ന ആക്ഷേപം നിലനില്‍ക്കെയാണ്, മോദിയുടെ റോമാ സന്ദര്‍ശനം വാര്‍ത്തയാകുന്നത്.

ന്യൂനപക്ഷങ്ങള്‍ക്കെതിരെയുള്ള ആര്‍.എസ്.എസ് അജണ്ടകള്‍ക്ക്, അതിവേഗം വഴിപ്പെടുന്ന ബി.ജെ.പി ഭരണനേതൃത്വത്തോട് നിക്ഷിപ്ത താല്പര്യങ്ങള്‍ക്ക് അടിപ്പെട്ട്, സമരത്തിലാകാതെ സമരസപ്പെടുന്ന സഭയും സമൂഹവും ജനാധിപത്യ വിരുദ്ധ സന്ദേശമാണ് നല്കുന്നത്; മറക്കരുതെന്നും പറഞ്ഞാണ് ലേഖനം അവസാനിക്കുന്നത്.

ബി.ജെ.പിയേയും പ്രധാനമന്ത്രി നരേന്ദ്ര മോദിയേയും വിമര്‍ശിച്ചാണ് സഭാ പത്രത്തിന്റെ ലേഖനം പുറത്തുവന്നിരിക്കുന്നത്. ഇഷ്ടമുള്ള മതം സ്വീകരിക്കാനും ആവശ്യമെങ്കില്‍ അത് പ്രചരിപ്പിക്കാനും പൗരന്മാര്‍ക്ക് ഭരണഘടന നല്‍കുന്ന ഉറപ്പ് പാലിക്കപ്പെടാത്ത വിധത്തില്‍ പലപ്പോഴും മത ന്യൂനപക്ഷങ്ങള്‍ക്കെതിരെയുള്ള അതിക്രമം മോദി ഭാരതത്തില്‍ അടിക്കടി ആവര്‍ത്തിക്കപ്പെടുന്നത് പ്രതിഷേധാര്‍ഹമാണെന്ന് ലേഖനത്തില്‍ പറയുന്നു.

മതനിരപേക്ഷ ഭാരതത്തില്‍ മതഭൂരിപക്ഷത്തിന്റെ പ്രതിനിധിയും പ്രതീകവുമായി ജനനായകര്‍ മാറിത്തീരുന്നത് അപലപനീയമാണ്. രാമക്ഷേത്ര നിര്‍മ്മാണ മേല്‍നോട്ടച്ചുമതല പ്രധാനമന്ത്രിതന്നെ നേരിട്ട് നിര്‍വ്വഹിക്കുവോളം ഭാരതം അതിന്റെ മതരാഷ്ട്രീയച്ചായ്‌വ് പ്രകടിപ്പിച്ച് കഴിഞ്ഞിരിക്കുന്നുവെന്നും വിമര്‍ശിക്കുന്നു.

spot_img
RELATED ARTICLES
- Advertisment -spot_img

Most Popular

Recent Comments