സച്ചിന് പൈലറ്റ് ‘ചതിയനെ’ന്ന് അശോക് ഗെലോട്ട്. ഒരു ദേശീയമാധ്യമത്തിനു നല്കിയ അഭിമുഖത്തില് ഗെലോട്ട് ആറു തവണയാണ് സച്ചിനെ ചതിയന് എന്നു വിളിക്കുന്നത്. ” 10 എംഎല്എമാരുടെ പിന്തുണയില്ലാത്ത സച്ചിന് പൈലറ്റിനെ ഹൈക്കമാന്ഡിന് ഒരിക്കലും മുഖ്യമന്ത്രിയാക്കാന് കഴിയില്ല. മാത്രമല്ല ഒരു ചതിയനെ മുഖ്യമന്ത്രിയാക്കാനാവില്ല. നേതൃത്വത്തിനെതിരെ ലഹളയുണ്ടാക്കിയ ആളാണ് , പാര്ട്ടിയെ വഞ്ചിച്ചയാളാണ്. ചതിയനാണ്” ഗെലോട്ട് പറയുന്നു.
‘സ്വന്തം സര്ക്കാരിനെ അട്ടിമറിക്കാന് പരിശ്രമിക്കുന്ന ഒരു പാര്ട്ടി പ്രസിഡന്റിനെ ഇന്ത്യ ആദ്യമായി കാണുകയാകും” – 2020ല് സച്ചിന് പൈലറ്റ് എംഎല്എമാരുമായി നടത്തിയ പ്രശ്നത്തെ ചൂണ്ടിക്കാട്ടി ഗെലോട്ട് പറഞ്ഞു. ബിജെപി ഫണ്ട് ചെയ്ത പ്രതിസന്ധിയായിരുന്നു അതെന്നും തെളിവുകള് വ്യക്തമാക്കാതെ ഗെലോട്ട് കൂട്ടിച്ചേര്ത്തു.