തൃശൂര്: കുതിരാന് ദേശീയപാതയിലെ രണ്ടാം ടണല് ഭാഗീകമായി തുറന്നു. തൃശൂരില് നിന്ന് പാലാക്കാട്ടേയ്ക്കുള്ള വാഹനങ്ങളാണ് രണ്ടാം തുരങ്കം വഴി കടത്തി വിടുന്നത്.
ഏപ്രില് മുതല് തുരങ്കം പൂര്ണമായും തുറന്ന് നല്കുമെന്ന് മന്ത്രി പി.എ. മുഹമ്മദ് റിയാസ് അറിയിച്ചു.
തുരങ്കം പൂര്ണമായി തുറക്കാതെ ടോള് പിരിവ് അനുവദിക്കില്ലെന്നും മന്ത്രി കൂട്ടിച്ചേര്ത്തു. ആദ്യ തുരങ്കത്തേക്കാള് 10 മീറ്റര് നീളം കൂടുതലുള്ളതാണ് രണ്ടാം ടണല്. 972 മീറ്റര് ആണ് ടണലിന്റെ നീളം. 14 മീറ്റര് വീതിയും 10 മീറ്റര് ഉയരവുമാണ് രണ്ടാം ടണലിനുള്ളത്.