ന്യൂഡല്ഹി: നടിയെ ആക്രമിച്ച കേസില് വിചാരണ നീട്ടരുതെന്ന് ആവശ്യപ്പെട്ട് ദീലിപ് സുപ്രീംകോടതിയെ സമീപിച്ചു.
വിചാരണ കോടതി ജഡ്ജിയെ മാറ്റുന്നതിന് കൂടി വേണ്ടിയാണ് വിചാരണ നീട്ടണമെന്ന് സംസ്ഥാന സര്ക്കാര് ആവശ്യപ്പെടുന്നതെന്ന് ദിലീപ് സുപ്രീംകോടതിയെ അറിയിച്ചു. കോടതിയില് സമര്പ്പിച്ച മറുപടി സത്യവാങ്മൂലത്തിലാണ് ദിലീപ് ഇക്കാര്യങ്ങള് വ്യക്തമാക്കിയത്.
നടിയെ ആക്രമിച്ച കേസില് വിചാരണ പൂര്ത്തിയാക്കാന് ആറ് മാസം കൂടി സമയം വേണമെന്ന് ആവശ്യപ്പെട്ട് സംസ്ഥാന സര്ക്കാര് സുപ്രീംകോടതിയില് അപേക്ഷ നല്കിയിരുന്നു. ഈ അപേക്ഷ നാളെ കോടതി പരിഗണിക്കാനിരിക്കെയാണ് ദിലീപിന്റെ നിര്ണായക നീക്കം.
കേസില് അന്വേഷണ ഉദ്യോഗസ്ഥന്റെ വിസ്താരം മാത്രമാണ് ഇനി പൂര്ത്തിയാകാനുള്ളത്. അദ്ദേഹം വിചാരണ ഒഴിവാക്കാന് നടത്തുന്ന നീക്കത്തിന്റെ ഭാഗമായാണ് സര്ക്കാറിന്റെ അപേക്ഷയെന്നും ദിലീപ് ആരോപിക്കുന്നു.
നേരത്തെ നടിയെ ആക്രമിച്ച കേസില് വിചാരണകോടതി ജഡ്ജിയെ മാറ്റണമെന്ന് ആവശ്യപ്പെട്ട് സംസ്ഥാന സര്ക്കാര് ഹൈകോടതിയെ സമീപിച്ചിരുന്നു. എന്നാല്, സര്ക്കാറിന്റെ ആവശ്യം ഹൈകോടതി നിരസിക്കുകയായിരുന്നു.