Friday, March 29, 2024

HomeNewsKeralaവയനാട്ടിൽ ഉപതിരഞ്ഞെടുപ്പ് വന്നാൽ സിപിഎം പിന്തുണ പ്രതീക്ഷിക്കുന്നു: കെ സുധാകരൻ

വയനാട്ടിൽ ഉപതിരഞ്ഞെടുപ്പ് വന്നാൽ സിപിഎം പിന്തുണ പ്രതീക്ഷിക്കുന്നു: കെ സുധാകരൻ

spot_img
spot_img

ഡൽഹി: വയനാട്ടിൽ ഉപതിരഞ്ഞെടുപ്പ് ഉണ്ടായാൽ സിപിഎം അടക്കമുള്ള പാർട്ടികളുടെ പിന്തുണ പ്രതീക്ഷിക്കുന്നതായി കെപിസിസി അധ്യക്ഷൻ കെ.സുധാകരൻ. നിയമചരിത്രത്തിൽ ആദ്യമായിട്ടാണ് ഒരു ജുഡീഷ്യൽ മജിസ്‌ട്രേറ്റ് ഇതുപോലൊരു വിധി പ്രഖ്യാപിക്കുന്നത്. പരാതിയുടെ യാഥാർഥ്യം എന്താണെന്ന് മനസ്സിലാക്കാതെയുള്ള ഒരു വിധിന്യായമായിട്ടാണ് നിയമവിദഗ്ദ്ധർ അടക്കം ഇതിനെ കാണുന്നതെന്നും സുധാകരൻ പറഞ്ഞു.

ഭരിക്കുന്ന ഭരണകൂടത്തിന് രാഹുൽ ഒരു തലവേദനയാണെന്നുള്ളത് കൊണ്ടാണ് അദ്ദേഹത്തെ വേട്ടയാടികൊണ്ടിരിക്കുന്നത്. ഇന്ത്യാരാജ്യത്ത് നടക്കുന്ന കാര്യങ്ങൾ മാത്രമേ അദ്ദേഹം പറഞ്ഞിട്ടുള്ളൂ. ആർഎസ്എസിനോടും ഫാസിസത്തോടും പടവെട്ടാനുള്ള കഴിവും പ്രാപ്തിയും കോൺഗ്രസിനുണ്ടെന്നും സുധാകരൻ പറഞ്ഞു.

രാഹുൽ ഗാന്ധിയെ അയോഗ്യനാക്കിയ നടപടിക്കെതിരെയുള്ള പ്രതിഷേധത്തിൽ സിപിഎമ്മും പങ്കാളിയാകുന്നുണ്ട്. പുതിയ സാഹചര്യത്തിൽ വയനാട്ടിൽ ഒരു ഉപതിരഞ്ഞെടുപ്പ് വന്നാൽ സിപിഎം പിന്തുണ പ്രതീക്ഷിക്കുന്നുണ്ടോ എന്ന ചോദ്യത്തിന് സുധാകരന്റെ പ്രതികരണം ഇങ്ങനെയായിരുന്നു..’നിശ്ചയമായും, സിപിഎമ്മിന്റെ ഭാഗത്ത് നിന്ന് വളരെ അനുകൂലമായ സമീപനമാണ് ഇക്കാര്യത്തിലുള്ളത്. അങ്ങനെ വരികയാണെങ്കിൽ അത്തരമൊരു ചിന്തക്കും രൂപംപകരാൻ എളുപ്പത്തിൽ സാധിക്കുമെന്നാണ് കരുതുന്നത്’ സുധാകരൻ പറഞ്ഞു.

രാഹുൽ ഗാന്ധി ഇന്ത്യൻ രാഷ്ട്രീയത്തിൽ ഒരു അനിവാര്യ നേതാവാണെന്ന് എതിർക്കുന്നവർ പോലും ഉൾക്കൊള്ളുന്നു. നേരത്തെ പിന്തുണയ്ക്കാത്തവർപോലും ഇപ്പോൾ പിന്തുണച്ചു. ഇതൊരു തിരുത്തലിന്റെ തുടക്കമാണെന്നും സുധാകരൻ കൂട്ടിച്ചേർത്തു.

spot_img
RELATED ARTICLES
- Advertisment -spot_img

Most Popular

Recent Comments