കണ്ണൂര്: മുന് മുഖ്യമന്ത്രി ഉമ്മന്ചാണ്ടി കല്ലെറിഞ്ഞു പരിക്കേല്പ്പിച്ച കേസില് മൂന്നു പ്രതികള്ക്ക് തടവും പിഴയും ശിക്ഷ വിധിച്ചു.
ദീപക് ചാലാടിന് മൂന്നു വര്ഷം തടവും 25,000 രൂപ പിഴയും ശിക്ഷ വിധിച്ചു. സിഒടി നസീറിനും ബിജു പറമ്ബത്തിനും രണ്ടു വര്ഷം തടവും പതിനായിരം രൂപ പിഴയുമാണ് കോടതി ശിക്ഷ വിധിച്ചത്.
കേസില് മൂന്നു പ്രതികളും കുറ്റക്കാരാണെന്ന് കണ്ണൂര് സബ് കോടതി വിധിച്ചിരുന്നു. ഉമ്മന്ചാണ്ടിയെ പരിക്കേല്പ്പിച്ചതുമായി ബന്ധപ്പെട്ട് 324-ാം വകുപ്പ് പ്രകാരമാണ് ദീപക്കിനെ മൂന്നുവര്ഷം തടവിന് ശിക്ഷിച്ചത്. മുഖ്യമന്ത്രിയുടെ വാഹനം കേടുവരുത്തി, പൊതുമുതല് നശിപ്പിച്ചു എന്നീ കുറ്റങ്ങള് പ്രകാരമാണ് മറ്റു പ്രതികളെ ശിക്ഷിച്ചത്.
113 പ്രതികളില് 110 പേരെ കോടതി വെറുതെ വിട്ടു. സംഭവത്തില് പ്രതികള്ക്കെതിരായ ഗൂഢാലോചനക്കുറ്റവും വധശ്രമക്കുറ്റവും നിലനില്ക്കില്ലെന്ന് കോടതി ചൂണ്ടിക്കാട്ടി. പൊതുമുതല് നശിപ്പിക്കല് നിയമപ്രകാരമാണ് മൂവരും കുറ്റക്കാരാണെന്ന് കോടതി കണ്ടെത്തിയത്.