കണ്ണൂര്‍: സിപിഎം 23-ാം പാര്‍ട്ടി സമ്മേളനത്തിന്‍റെ സെമിനാറില്‍ പങ്കെടുക്കാന്‍ കെ.വി. തോമസ് കണ്ണൂരിലെത്തി.കോണ്‍ഗ്രസ് വിലക്ക് ലംഘിച്ചെത്തിയ തോമസിനെ സിപിഎം കണ്ണൂര്‍ ജില്ലാ സെക്രട്ടറി എം.വി. ജയരാജനും നൂറ് കണക്കിന് പ്രവര്‍ത്തകരും വിമാനത്താവളത്തിലെത്തി സ്വീകരിച്ചു. ജയരാജന്‍ ചുവന്ന ഷാള്‍ അണിയിച്ചാണ് തോമസിനെ സ്വീകരിച്ചത്.
തനിക്ക് പറയാനുള്ളതെല്ലാം പാര്‍ട്ടി സമ്മേളനത്തിന്‍റെ ഭാഗമായ സെമിനാറില്‍ താന്‍ പറയുമെന്ന് കെ.വി. തോമസ് വ്യക്തമാക്കി. ചുവന്ന നിറമാണെങ്കിലും തന്നെ അണിയിച്ചത് ഒരു ഷാള്‍ ആണെന്ന് നിറത്തെ കുറിച്ചുള്ള ചോദ്യത്തോട് തോമസ് പ്രതികരിച്ചു.
എന്റെ വീട്ടില്‍ താമര വളര്‍ത്തിയപ്പോള്‍ ബി ജെ പി യില്‍ പോകുമെന്ന് പ്രചരിപ്പിച്ചിരുന്നുവെന്നും അദ്ദേഹം കണ്ണൂര്‍ വിമാനത്താവളത്തില്‍ മാധ്യമങ്ങളോട് പ്രതികരിക്കവെ പറഞ്ഞു.
