ഇടുക്കി: ഇടമലയാര്‍ അണക്കെട്ടിന്റെ രണ്ട് ഷട്ടറുകള്‍ തുറന്നു. 50 മുതല്‍ 100 സെന്റീമീറ്റര്‍ വരെ ഷട്ടറുകള്‍ ഉയര്‍ത്തി 68 മുതല്‍ 131 ക്യൂമെക്സ് വരെ ജലമാണ് പുറത്തേക്ക് ഒഴുക്കുക. നിലവില്‍ ഡാമിലെ ജലനിരപ്പ് 164.05 മീറ്ററാണ്.
ഡാം തുറക്കുന്നതിന്റെ ഭാഗമായി പെരിയാറിന്റെ തീരത്തുള്ളവര്‍ ജാഗ്രത പാലിക്കണമെന്ന് ജില്ലാ കളക്ടര്‍ അറിയിച്ചു. മീന്‍ പിടിക്കുന്നതും, പുഴ മുറിച്ചു കടക്കുന്നതും, പുഴയില്‍ വിനോദസഞ്ചാരം നടത്തുന്നതിനും നിരോധനം ഏര്‍പ്പെടുത്തിയിട്ടുണ്ട്.
ശക്തമായി അടിയൊഴുക്കിന് സാദ്ധ്യതയുള്ളതിനാല്‍ പെരിയാറിലും കൈവഴികളില്‍ കുളിക്കുന്നതും തുണി അലക്കുന്നതും ഒഴിവാക്കണമെന്നും ജില്ലാ കളക്ടര്‍ അറിയിച്ചു.
