2024 ലെ പാരീസ് ഒളിമ്ബിക്സിന് യോഗ്യത നേടി ഇന്ത്യയുടെ സ്റ്റാര്‍ ജാവലിൻ ത്രോ താരം നീരജ് ചോപ്ര. ലോക അത്ലറ്റിക്സ് ചാമ്ബ്യൻഷിപ്പില്‍ 88.77 മീറ്റര്‍ താണ്ടിയാണ് താരം യോഗ്യത നേടിയത്.
85.50 മീറ്ററായിരുന്നു പാരീസ് ഗെയിംസിന്റെ യോഗ്യതാ മാര്‍ക്ക്. ആദ്യ ശ്രമത്തില്‍ തന്നെ നീരജ് ഇത് മറികടക്കുകയായിരുന്നു.
അതേസമയം ലോക അത്ലറ്റിക്സ് ചാമ്ബ്യൻഷിപ്പ് ജാവലിൻ ത്രോയില്‍ നീരജ്ഫൈ നലില്‍ പ്രവേശിച്ചു.
ഹംഗറിയിലെ ബുഡാപെസ്റ്റിലാണ് ചാമ്ബ്യൻഷിപ്പ് പുരോഗമിക്കുന്നത്. ഞായറാഴ്ചയാണ് ഫൈനല്‍ പോരാട്ടം. ഇന്ത്യൻ സമയം രാത്രി 11.45ന് മത്സരം ആരംഭിക്കും. നീരജിന് പുറമേ കിഷോര്‍ കുമാര്‍ ജെന, ഡി.പി മനു എന്നിവരും ഇന്ത്യയ്ക്കായി മത്സരിക്കുന്നുണ്ട്.
