പി.പി ചെറിയാന്
ഗാര്ലാന്ഡ്: ഭാരതീയ സഭയുടെ സ്ഥാപകനും, സെന്റ് തോമസ് സീറോ മലബാര് ഫെറോന ഇടവകയുടെ മധ്യസ്ഥനുമായ വിശുദ്ധ തോമാശ്ശീഹായുടെ ദുക്റാന തിരുനാള് ജൂണ് 25 മുതല് ജൂലൈ 5 വരെ വിവിധ പരിപാടികളോടെ ആഘോഷിക്കുന്നു. തിരുനാളിനു ആരംഭം കുറിച്ച് ജൂണ് 25 വെള്ളിയാഴ്ച വൈകുന്നേരം കൊടിയേറി. തുടര്ന്ന് വിശുദ്ധ കുര്ബാനയും ഉണ്ടായിരുന്നു
തിരുനാളിനു മുന്നോടിയായ ജൂണ് 26 ശനിയാഴ്ച രാവിലെ 8:30 നും ജൂണ് 27 ഞായറാഴ്ച രാവിലെ 7 നും 10 30 നും, ജൂണ് 28, മുതല് ജൂലൈ 2 വരെ മുതല് എല്ലാ ദിവസവും വൈകുന്നേരം 7 മണിക്ക് നൊവേനയും, തുടര്ന്ന് വിശുദ്ധ കുര്ബാനയും ഉണ്ടായിരിക്കും.
ജൂലൈ രണ്ടാം തീയതി വെള്ളിയാഴ്ച വൈകുന്നേരം വിശുദ്ധന്മാരുടെ തിരുസ്വരൂപങ്ങള് വെഞ്ചരിച്ച്, ഭക്തരുടെ വണക്കത്തിനായി സമര്പ്പിക്കും. തുടര്ന്ന് 7 മണിക്കുള്ള വിശുദ്ധ കുര്ബാനയ്ക്ക് റവ.ഫാ. റവ.ഫാ. സോജന് പുതിയപറംബില് മുഖ്യ കാര്മികത്വം വഹിക്കും.
ദുക്റാന ദിനമായ ജൂലൈ മൂന്നാം തീയതി ശനിയാഴ്ച രാവിലെ 8:30നും, വൈകീട്ട് 7 നും വിശുദ്ധ കുര്ബാനയും, മാതാവിന്റെ നൊവേനയും ഉണ്ടായിരിക്കും. തിരുകര്മ്മങ്ങളില് റവ.ഫാ. റോയ് ജോസഫ്, റവ. ഫാ. റെന്നി എബ്രഹാം കട്ടേല് എന്നിവര് കാര്മികത്വം വഹിക്കും.
പ്രധാന തിരുനാള് ദിനമായ ജൂലൈ നാലാം തീയതി ഞായറാഴ്ച രാവിലെ 7 മണിക്ക് തിരുനാള് കുര്ബാനയ്ക്ക് റവ ഫാ ജോണ് മേലേപ്പുറം മുഖ്യകാര്മികത്വം വഹിക്കും. കുര്ബാനയ്ക്കുശേഷം താളമേളങ്ങളുടെ അകമ്പടിയോടെ വിശുദ്ധരുടെ തിരുസ്വരൂപങ്ങള് എഴുന്നള്ളിച്ചുകൊണ്ടുള്ള പ്രദക്ഷിണവും ഉണ്ടായിരിക്കും.
തിരുനാള് ദിനമായ ജൂലൈ നാലാം തീയതി ഞായറാഴ്ച രാവിലെ 7 മണിക്ക് തിരുനാള് കുര്ബാനയ്ക്ക് റവ ഫാ ജോണ് മേലേപ്പുറം മുഖ്യകാര്മികത്വം വഹിക്കും. കുര്ബാനയ്ക്കുശേഷം താളമേളങ്ങളുടെ അകമ്പടിയോടെ വിശുദ്ധരുടെ തിരുസ്വരൂപങ്ങള് എഴുന്നള്ളിച്ചുകൊണ്ടുള്ള പ്രദക്ഷിണവും ഉണ്ടായിരിക്കും.
ജൂലൈ അഞ്ചാം തീയതി തിങ്കളാഴ്ച രാവിലെ 8:30 നു വിശുദ്ധ കുര്ബാന, മരിച്ചു പോയവരുടെ ഓര്മദിനം അതോടുകൂടി തിരുനാളിനു കൊടിയിറങ്ങും.
വികാരി ഫാ. ജെയിംസ് നിരപ്പേല്, മാത്യു മന്നനാള് ,ബോബി ജോണ്സന്, ജെറിന് തേനായാന് (ട്രസ്റ്റിമാര്) എന്നിവര് വി. തോമാശ്ശീഹായുടെ തിരുനാളില് പങ്കെടുത്ത് അനുഗ്രഹം പ്രാപിക്കാന് എല്ലാ വിശ്വാസികളേയും, സെന്റ് തോമസ് സീറോ മലബാര് ഫെറോന ദേവാലയത്തിലേക്ക് സ്വാഗതം ചെയ്യുന്നു.
