റിയോ ഡി ജനീറോ : ബ്രസീലിലെ റിയോ ഡി ജനീറോയിലെ ഫവേലയില്‍ ( ചേരി ) മയക്കുമരുന്ന് സംഘങ്ങള്‍ക്കായുള്ള പൊലീസ് തിരച്ചിലിനിടെയില്‍ നടന്ന ഏറ്റുമുട്ടലില്‍ ഒരു സ്ത്രീ ഉള്‍പ്പെടെ 21 പേര്‍ വെടിയേറ്റ് കൊല്ലപ്പെട്ടു.
ഏഴ് പേര്‍ പരിക്കുകളോടെ ചികിത്സയിലാണ്.
മരിച്ചവരില്‍ 11 പേര്‍ ക്രിമിനല്‍ സംഘത്തില്‍പ്പെട്ടവരാണെന്ന് കരുതുന്നു. സംഘര്‍ഷ പശ്ചാത്തലത്തില്‍ പ്രദേശത്തെ 19 സ്കൂളുകള്‍ അടച്ചു. വെടിവയ്പിനിടെ പൊലീസ് ഹെലികോപ്ടറിലേക്കും ബുള്ളറ്റുകള്‍ പതിച്ചെന്നാണ് റിപ്പോര്‍ട്ട്.
