മോസ്‌കോയുടെ വടക്കുപടിഞ്ഞാറ് ആളില്ലാതെ തകർന്ന വിമാനത്തിൽ വാഗ്നർ ഗ്രൂപ്പിന്റെ സ്ഥാപകനായ യെവ്ജെനി പ്രിഗോജിൻ(Yevgeny Prigozhin) ഉണ്ടായിരുന്നതായി റഷ്യൻ വ്യോമയാന ഏജൻസി വ്യാഴാഴ്ച സ്ഥിരീകരിച്ചതായി റഷ്യൻ സ്റ്റേറ്റ് മീഡിയയെ ഉദ്ധരിച്ച് വാർത്താ ഏജൻസിറിപ്പോർട്ട് ചെയ്തു. സഞ്ചരിച്ച എംബ്രയർ ബിസിനസ്സ് ജെറ്റ് ബുധനാഴ്ച കുജെൻകിനോ സെറ്റിൽമെന്റിന് സമീപമുള്ള ത്വെർ മേഖലയിൽ തകർന്നു വീണതാണ് വിമാനാപകടം.
റഷ്യയിലെ ഏറ്റവും ശക്തനായ പടയാളിയായ പ്രിഗോസിൻ രാജ്യത്തിന്റെ സൈനിക നേതൃത്വത്തിനെതിരെ കലാപം നടത്തി മാസങ്ങൾക്ക് ശേഷമാണ് ഈ മരണം സംഭവിച്ചത്. ഈ വർഷം ജൂണിൽ, റഷ്യൻ പ്രസിഡന്റ് വ്‌ളാഡിമിർ പുടിനെതിരെ പോരാടി സംഘം പരാജയപ്പെട്ടിരുന്നു.
ബുധനാഴ്ചയുണ്ടായ വിമാന ദുരന്തത്തിൽ വിമാനത്തിലുണ്ടായിരുന്ന 10 പേരും മരിച്ചതായി ആണ് പ്രാഥമിക വിവരം. മോസ്‌കോയിലെ ഷെറെമെറ്റിയേവോ വിമാനത്താവളത്തിൽ നിന്ന് സെന്റ് പീറ്റേഴ്‌സ്ബർഗിലേക്കുള്ള യാത്രയിലായിരുന്നു വിമാനമെന്ന് റിപ്പോർട്ട് ചെയ്തു.
2023 ജൂണിൽ ഒരു കലാപം ആരംഭിക്കുന്നത് വരെ പ്രിഗോജിൻ റഷ്യൻ പ്രസിഡന്റ് വ്‌ളാഡിമിർ പുടിന്റെ അടുത്ത സഹായിയായിരുന്നു. വാഗ്നർ പ്രൈവറ്റ് മിലിട്ടറി ഗ്രൂപ്പ് ഉൾപ്പെടെയുള്ള കമ്പനികളുടെ ഒരു ശൃംഖലയെ പ്രിഗോജിൻ നിയന്ത്രിച്ചു. 2023 ജൂൺ 23 ന്, അദ്ദേഹത്തിന്റെ നേതൃത്വത്തിലുള്ള വാഗ്നർ ഗ്രൂപ്പ് റഷ്യൻ സൈനിക നേതൃത്വത്തിനെതിരെ കലാപം ആരംഭിച്ചു. ചർച്ചകൾ കലാപം പിൻവലിക്കുന്നതിലേക്ക് നയിച്ചു. ശേഷം പ്രിഗോജിൻ ബെലാറസിലേക്ക് താമസം മാറ്റിയിരുന്നു.
