ശനിയാഴ്ച ബ്രസീലിലെ വടക്കൻ ആമസോൺ സംസ്ഥാനത്തുണ്ടായ വിമാനാപകടത്തിൽ 14 പേർ മരിച്ചതായി സംസ്ഥാന ഗവർണർ അറിയിച്ചു. പൈലറ്റും സഹ പൈലറ്റും ഉൾപ്പെടെ 12 വിനോദസഞ്ചാരികളാണ് വിമാനത്തിലുണ്ടായിരുന്നത്. സംഭവത്തിൽ ആരും രക്ഷപ്പെട്ടിട്ടില്ലെന്ന് ആണ് റിപ്പോർട്ട്.
കൊല്ലപ്പെട്ടവരിൽ യുഎസ് പൗരന്മാരും ഉണ്ടെന്ന് ചില ബ്രസീലിയൻ മാധ്യമങ്ങൾ റിപ്പോർട്ട് ചെയ്തു. സംസ്ഥാന തലസ്ഥാനമായ മനാസിൽ നിന്ന് 400 കിലോമീറ്റർ (248 മൈൽ) അകലെയുള്ള ബാഴ്‌സലോസ് പ്രവിശ്യയിലാണ് അപകടമുണ്ടായത്.
ലാൻഡിംഗ് സമയത്ത് കനത്ത മഴ പെയ്തതിനാൽ മോശം കാലാവസ്ഥയെ തുടർന്നാണ് വിമാനം തകർന്നതെന്നാണ് റിപ്പോർട്ട്.
നാഷണൽ സിവിൽ ഏവിയേഷൻ ഏജൻസി (അനാക്) പറയുന്നതനുസരിച്ച്, ഈ വിമാനം മനാസ് ടാക്സി എയറിയോയുടെ ഉടമസ്ഥതയിലുള്ളതാണ്, കൂടാതെ എയർ ടാക്സി സർവീസ് നടത്തുന്നതിന് റെഗുലറൈസ് ചെയ്യുകയും അധികാരപ്പെടുത്തുകയും ചെയ്തു. PT-SOG വിമാനമാണ് അപകടത്തിൽ പെട്ടതെന്ന് വിമാനം ഓടിച്ചിരുന്ന Manaus Aerotáxi എന്ന കമ്പനി പ്രസ്താവനയിൽ സ്ഥിരീകരിച്ചതായി ബ്രസീൽ റിപ്പോർട്ട് ചെയ്തു.
