ചിക്കാഗോ: ചെറുപുഷ്പ മിഷന്‍ ലീഗ് ചിക്കാഗോ രൂപത സമിതി സംഘടിപ്പിച്ച ‘ഗ്ലോറിയ ഇന്‍ എക്സില്‍സിസ്’ – പുല്‍ക്കൂട് നിര്‍മാണ ഫാമിലി വീഡിയോ മത്സരത്തിന്റെ വിജയികളെ പ്രഖ്യാപിച്ചു.
അനബെല്‍ സ്റ്റാര്‍ & ഫാമിലി (സെന്റ് ജൂഡ് സിറോ-മലബാര്‍ കത്തോലിക്ക പള്ളി, ചാന്റിലി, വിര്‍ജീനിയ) ഒന്നാം സ്ഥാനവും, ഏഞ്ചല്‍ ജോസ് & ഫാമിലി (ഡിവൈന്‍ മേഴ്സി സിറോ-മലബാര്‍ കത്തോലിക്ക പള്ളി, എഡിന്‍ബര്‍ഗ്, ടെക്‌സാസ്) രണ്ടാം സ്ഥാനവും, ടെസ്സാ ഈപ്പന്‍ & ഫാമിലി (സെന്റ് ജൂഡ് സിറോ-മലബാര്‍ കത്തോലിക്ക പള്ളി, ഹമ്മോന്‍ടോണ്‍, ന്യൂ ജേഴ്സി) മൂന്നാം സ്ഥാനവും നേടി.
ക്രിസ്തുവാണ് ക്രിസ്തുമസിന്റെ കേന്ദ്രമെന്നുള്ള വസ്തുത ഏവരേയും ഓര്‍്മപെടുത്തുന്നതിനു വേണ്ടിയാണ് ചിക്കാഗോ രൂപതയിലെ കുടുംബങ്ങള്‍ക്കായി ‘ഗ്ലോറിയ ഇന്‍ എസ്സില്‍സിസ്’ എന്ന പേരില്‍ ചെറുപുഷ്പ മിഷന്‍ ലീഗ് പുല്‍ക്കൂട് നിര്‍മാണ മത്സരം സംഘടിപ്പിച്ചത്. സോണിയ ബിനോയ് മത്സരത്തിന്റെ കോര്‍ഡിനേറ്ററായി പ്രവര്‍ത്തിച്ചു. രൂപത ഡയറക്ടര്‍ ഫാ. ജോര്‍ജ് ദാനവേലില്‍, പ്രസിഡന്റ് സിജോയ് സിറിയക് പറപ്പള്ളില്‍, ജനറല്‍ സെക്രട്ടറി ടിന്‍സണ്‍ തോമസ് എന്നവരുടെസ് നേതൃത്വത്തിലുള്ള രൂപതാ എക്‌സിക്യൂട്ടീവ് കമ്മിറ്റി പരിപാടികള്‍ ക്രമീകരിച്ചു.
