നടി കാവേരിയുടെ മുൻഭർത്താവും തെലുങ്ക് സംവിധായകനുമായ സൂര്യ കിരൺ(48) അന്തരിച്ചു. തിങ്കളാഴ്ച( മാർച്ച് 11) ചെന്നൈയിലെ വസതിയിൽവെച്ചായിരുന്നു അന്ത്യം. മഞ്ഞപ്പിത്തം ബാധിച്ച് ചെന്നൈയിലെ സ്വകാര്യ ആശുപത്രിയിൽ ചികിത്സയിലായിരുന്നു.
ത്രീഡിയിൽ ചിത്രീകരിച്ച ആദ്യ ചിത്രമായ മൈ ഡിയർ കുട്ടിച്ചാത്തനിലെ ബാലതാരങ്ങളിലൊരാളായിരുന്നു സൂര്യകിരൺ. 200-ലേറെ ചിത്രങ്ങളിൽ ബാലതാരമായി അഭിനയിച്ചിട്ടുണ്ട്. 2003ൽ തെലുങ്ക് ചിത്രമായ ‘സത്യ’ത്തിലൂടെയാണ്സംവിധായകനാവുന്നത്. ഈ ചിത്രം സൂപ്പർ ഹിറ്റായിരുന്നു.
താനാ 51, ബ്രഹ്മാസ്ത്രം, രാജു പായ്, അദ്ധ്യായം 6 തുടങ്ങിയ സൂര്യ കിരൺ സംവിധാനം ചെയ്ത മറ്റു ചിത്രങ്ങൾ. വരലക്ഷ്മി ശരത്കുമാർ പ്രധാനവേഷത്തിലെത്തുന്ന ‘അരസി’ ആണ് ഏറ്റവും പുതിയ ചിത്രം. റിലീസിന് ഒരുങ്ങുമ്പോഴാണ് സംവിധായകന്റെ വിയോഗം.
2010 ലായിരുന്നു നടി കവേരിയുമായുള്ള വിവാഹം. പ്രണയ വിവാഹമായിരുന്നു.
