പാകിസ്ഥാനിലെ ലാഹോർ വിമാനത്താവളത്തിലെ ലോഞ്ച് ഏരിയയിൽ തീപിടിത്തമുണ്ടായതിനെ തുടർന്ന് രണ്ട് ഹജ്ജ് വിമാനങ്ങൾ ഉൾപ്പെടെ ആറ് അന്താരാഷ്ട്ര വിമാനങ്ങൾ വൈകി. വ്യാഴാഴ്ച രാവിലെയായിരുന്നു സംഭവം. എമിഗ്രേഷൻ കൗണ്ടറിൻ്റെ സീലിംഗിൽ തീ പടർന്നതിനെ തുടർന്ന് ലോഞ്ചിൽ പുക നിറയുകയും വിമാനത്താവള കെട്ടിടത്തിൽ നിന്ന് യാത്രക്കാരെ ഒഴിപ്പിക്കുകയും ചെയ്തു.
തീപിടിത്തത്തിൻ്റെ കാരണം കണ്ടെത്താൻ അധികൃതർ ഒരു സംഘത്തെ നിയോഗിച്ചിട്ടുണ്ട്. തീപിടിത്തത്തിൽ എമിഗ്രേഷൻ കൗണ്ടറിന് കാര്യമായ കേടുപാടുകൾ സംഭവിച്ചതായി വിമാനത്താവള അധികൃതർ അറിയിച്ചു. ഇത് ഹജ്ജ് വിമാനവും മറ്റ് ആറ് വിമാനങ്ങളും പുറപ്പെടുന്നതിന് കാലതാമസമുണ്ടാക്കി. ഖത്തർ എയർവേയ്‌സിൻ്റെ ക്യുആർ 629 വിമാനവും ബാധിക്കപ്പെട്ട വിമാനങ്ങളിൽ ഉൾപ്പെടുന്നു.
അറൈവൽ ഡെസ്‌കിലെ ഇമിഗ്രേഷൻ നടപടിക്രമങ്ങൾക്ക് തടസ്സമാകാൻ സാധ്യതയുണ്ടെന്ന ആശങ്ക ഉണ്ടായിരുന്നിട്ടും, ഇൻകമിംഗ് ഇൻ്റർനാഷണൽ ഫ്ലൈറ്റുകൾ ഇതര വിമാനത്താവളങ്ങളിലേക്ക് വഴിതിരിച്ചുവിട്ടില്ല.
വിമാനത്താവള അധികൃതർ അടിയന്തര പ്രഖ്യാപനം നടത്തിയിട്ടില്ല. കൂടുതൽ വിവരം ലഭ്യമാവുന്നതേയുള്ളൂ.
