സന: ആഫ്രിക്കയിലെ കൊമ്പില് നിന്നും യമനിലെ ഏദനിലേക്ക് കുടിയേറ്റക്കാരുമായി വന്ന ബോട്ട് കടലില് മറിഞ്ഞു. 38 പേര് മരിച്ചു. നൂറിലേറെപ്പേരെ കാണാതായി. നാട്ടുകാരും മത്സ്യത്തൊഴിലാളികളും ചേര്ന്ന് 78 പേരെ രക്ഷപെടുത്തി.
ഏദന്റെ കിഴക്ക് ഭാഗത്തുള്ള ഷാബ്വ ഗവര്ണറേറ്റ് തീരത്ത് എത്തുന്നതിന് മുമ്പ് ബോട്ട് മുങ്ങിയതായി റുഡും ഡിസ്ട്രിക്ട് ഡയറക്ടര് ഹാദി അല് ഖുര്മ റോയിട്ടേഴ്സിനോട് പറഞ്ഞു.
‘മത്സ്യത്തൊഴിലാളികളും താമസക്കാരും 78 കുടിയേറ്റക്കാരെ രക്ഷപ്പെടുത്തിയതായും അദ്ദേഹം സ്ഥിരീകരിച്ചു. , അതേ ബോട്ടില് അവരോടൊപ്പം ഉണ്ടായിരുന്ന നൂറോളം പേരെ കാണാതായതായി റിപ്പോര്ട്ട് ചെയ്തു. തിരച്ചില് ഇപ്പോഴും തുടരുകയാണ്, സംഭവത്തെക്കുറിച്ച് ഐക്യരാഷ്ട്രസഭയെ അറിയിച്ചിട്ടുണ്ട്,’ അദ്ദേഹം പറഞ്ഞു.