കോട്ടയം: അയര്‍ക്കുന്നം നീറിക്കാട് സ്വദേശിയായ പോലീസ് ഉദ്യോഗസ്ഥനെ കാണാനില്ലെന്ന് പരാതി. കോട്ടയം വെസ്റ്റ് സ്‌റ്റേഷനിലെ ഗ്രേഡ് എസ്.ഐ. കെ.രാജേഷിനെയാണ് കാണാതായത്. സംഭവത്തില്‍ അയര്‍ക്കുന്നം പോലീസ് കേസെടുത്ത് അന്വേഷണം ആരംഭിച്ചു.
ജൂണ്‍ 14-ന് രാത്രിഡ്യൂട്ടിക്ക് ശേഷം രാജേഷ് വീട്ടിലേക്ക് മടങ്ങിയിരുന്നു. എന്നാല്‍, ഇതിനുപിന്നാലെ എസ്.ഐ.യെ കാണാതായെന്നാണ് കുടുംബത്തിന്റെ പരാതി. ജോലിസംബന്ധമായി മാനസികസമ്മര്‍ദം നേരിട്ടിരുന്നതായും കുടുംബം പറയുന്നു.
