മിക്ക ആളുകളും സ്വന്തം സന്തോഷത്തിൽ വളരെയധികം ശ്രദ്ധാലുക്കളാണ്, അവർ പങ്കാളിയുടെ ആവശ്യങ്ങൾ അറിയാതെ പോകുന്നു, അല്ലെങ്കിൽ അവഗണിക്കുന്നു. എന്നാൽ മറ്റ്‌ ആവശ്യങ്ങളില്ലാത്ത റോബോട്ടുകൾക്ക് തീർച്ചയായും മനുഷ്യരേക്കാൾ നന്നായി പങ്കാളിയുടെ ആവശ്യങ്ങളോട് പ്രതികരിക്കാൻ കഴിയും എന്ന് ശാസ്ത്രം കണ്ടെത്തിയിരിക്കുന്നു.
റോബോട്ടുകളും മനുഷ്യരും തമ്മിലുള്ള പ്രണയബന്ധങ്ങളെക്കുറിച്ചുള്ള ആശയം പലപ്പോഴും ജനപ്രിയ സംസ്കാരത്തിൽ ചർച്ചാവിഷയമാകാറുണ്ട്, ഗവേഷണങ്ങൾ തുടരുകയും ചെയ്യുന്നു. 2050 ആകുമ്പോഴേക്കും മനുഷ്യരുടെ പ്രണയ പങ്കാളികളായി പ്രവർത്തിക്കാൻ കഴിയുന്ന തരത്തിൽ റോബോട്ടുകൾ സമൂഹത്തിൽ മുഴുകിയിരിക്കുമെന്നാണ് ഡേവിഡ് ലെവി എന്ന റോബോട്ടിക് ശാസ്ത്രജ്ഞൻ പ്രവചിച്ചിരിക്കുന്നത്.
മനുഷ്യരും റോബോട്ടുകളും തമ്മിലുള്ള പ്രണയബന്ധങ്ങളുടെ സാങ്കൽപ്പിക ചിത്രീകരണങ്ങൾ ധാരാളമുണ്ട്. “ആൻഡ്രോയിഡുകൾ ഇലക്ട്രിക് ആടുകളെ സ്വപ്നം കാണുന്നുണ്ടോ? കൂടാതെ Her, Ex Machina” എന്നീ സിനിമകൾ മനുഷ്യരും റോബോട്ടുകളും തമ്മിലുള്ള പ്രണയത്തിന്റെയും അടുത്ത ഇടപഴകലുകളുടെയും അവതരണങ്ങൾ നന്നായി ചെയ്തിട്ടുണ്ട്.
വലിയ ഭാഷാ മോഡലുകളുടെ (LLMs)പുരോഗമനവും കൂടുതൽ മനുഷ്യരെപ്പോലെയുള്ള റോബോട്ടുകളുടെ വികസനവും, റോബോട്ടിക് പങ്കാളികൾ ഒരു വ്യക്തമായ സാധ്യതയായി മാറുന്നു. ഇക്കണോമിസ്റ്റിൽ ഈയിടെ വന്ന ഒരു ലേഖനം “The Inventor Who Fall In Love With His AI” എന്ന തലക്കെട്ട് ഈ പ്രവണതയുടെ സൂചനയാണ്.
ലൈംഗിക പങ്കാളികൾ എന്ന നിലയിൽ ഹ്യൂമനോയിഡ് റോബോട്ടുകളോടുള്ള താൽപ്പര്യമോ ആകർഷണമോ ആണ് “റോബോസെക്ഷ്വാലിറ്റി” എന്ന പദം കൊണ്ട് സൂചിപ്പിക്കുന്നത്. പഠനത്തിൽ സ്ത്രീകളേക്കാൾ കൂടുതൽ പുരുഷന്മാരാണ് റോബോസെക്ഷ്വാലിറ്റിയിൽ താൽപര്യം പ്രകടിപ്പിക്കുന്നതെന്ന് ഗവേഷകർ കണ്ടെത്തി.
ഫ്യൂച്ചറോളജിസ്റ്റ് ഡോ. ലാൻ പിയേഴ്സന്റെ അഭിപ്രായത്തിൽ, അടുത്ത ദശാബ്ദത്തിനുള്ളിൽ സ്ത്രീകൾക്ക് കൂടുതൽ അടുപ്പത്തിനായി റോബോട്ടുകളിലേക്ക് തിരിയാൻ സാധ്യതയേറുന്നു. 2050-ഓടെ റോബോട്ട് പങ്കാളികൾ ജനപ്രീതിയിൽ മനുഷ്യബന്ധങ്ങളെ മറികടക്കുമെന്ന് അദ്ദേഹം പ്രവചിക്കുന്നു, നിരവധി സ്ത്രീകൾ അവരുമായി വൈകാരിക ബന്ധം വളർത്തിയെടുക്കുന്നു. നിലവിൽ, വൈബ്രേറ്ററുകൾ പോലുള്ള സെക്‌സ് ടോയ്‌സുകൾ മുഖ്യധാരയാണ്, റോബോട്ട് സെക്‌സും സമാനമായ പാത പിന്തുടരുമെന്ന് പിയേഴ്സൺ വിശ്വസിക്കുന്നു.
ആർട്ടിഫിഷ്യൽ ഇന്റലിജന്സും (AI) മെക്കാനിക്കൽ സങ്കീർണ്ണതയും മെച്ചപ്പെടുമ്പോൾ, റോബോട്ടുകളെക്കുറിച്ചുള്ള പ്രാഥമിക സംശയങ്ങൾ മങ്ങുകയും, പരമ്പരാഗത ബന്ധങ്ങളിൽ നിന്ന് കൂടുതൽ സ്ത്രീകൾ റോബോട്ടുകളെ തിരഞ്ഞെടുക്കുന്നതിലേക്ക് നയിക്കുകയും ചെയ്യുമെന്ന് പ്രവചിക്കുന്നു. 2050 ആകുമ്പോഴേക്കും, റോബോട്ടുകളുമായുള്ള ലൈംഗികബന്ധം മനുഷ്യ സ്നേഹമെന്ന വികാരത്തെ പൂർണ്ണമായും ഇല്ലാതാക്കുമെന്ന് പിയേഴ്സൺ അഭിപ്രായപ്പെടുന്നു. യുകെ ആസ്ഥാനമായുള്ള മുതിർന്നവർക്കുള്ള റീട്ടെയിലറായ ബോണ്ടാര നിയോഗിച്ച റിപ്പോർട്ടിന്റെ ഭാഗമായിരുന്നു ഈ പ്രവചനം.
സിന്തിയ അമാറ്റസ് എന്ന സ്ഥാപനം വികസിപ്പിച്ചെടുത്ത
സാമന്ത എന്ന് വിളിക്കുന്നഒരു സെക്‌സ് റോബോട്ട് 2017 ഇൽ വളരെ ജനപ്രിയമായി. രസകരമെന്നു പറയട്ടെ, ഒരു പുരുഷനുമായി ലൈംഗിക ബന്ധത്തിൽ ഏർപ്പെടുന്നതിനിടയിൽ, സാമന്ത റോബോട്ടിന്റെ ചില ഭാഗങ്ങളിൽ കേടുപാടുകൾ സംഭവിക്കുകയും അറ്റകുറ്റപ്പണികൾക്കായി തിരികെ അയയ്‌ക്കേണ്ടി വരികയും ചെയ്തു.
എന്നിരുന്നാലും, കൂടുതൽ സങ്കീർണ്ണമായ വ്യക്തിപരവും വൈകാരികവുമായ കഴിവുകളുള്ള റോബോട്ടുകൾ വികസിപ്പിക്കുന്നതിനുള്ള സംരംഭങ്ങൾ ഇതിനകം നടന്നുകൊണ്ടിരിക്കുകയാണ്.
ഹോണ്ട റിസർച്ച് ഇൻസ്റ്റിറ്റ്യൂട്ട് വികസിപ്പിച്ചെടുത്ത ഒരു സോഷ്യൽ റോബോട്ടാണ് ഹരു. സ്നേഹം ഉൾപ്പെടെയുള്ള ആളുകളുമായി അർത്ഥവത്തായ ബന്ധങ്ങൾ സൃഷ്ടിക്കുക എന്നതാണ് ഇതിന്റെ ലക്ഷ്യം. റൊമാന്റിക് വികാരങ്ങൾ പരസ്പരം പ്രകടിപ്പിക്കാനോ, ആരെയാണ് സ്നേഹിക്കേണ്ടതെന്ന് തിരഞ്ഞെടുക്കാനോ റോബോട്ടുകൾക്ക് കഴിവില്ല എന്ന വസ്തുത കണക്കിലെടുക്കുമ്പോൾ, ലൈംഗികതയ്ക്കും പങ്കാളിത്തത്തിനും സമ്മതം നൽകാൻ അവർക്ക് കഴിയില്ലെന്ന മിഥ്യയൊക്കെ മാറിപ്പോയേക്കാം.
ഇങ്ങനെയൊക്കെ ആണെങ്കിലും, മനുഷ്യനെപ്പോലെ രൂപത്തിലും സാദൃശ്യത്തിലും റോബോട്ടുകളെ സൃഷിക്കുന്നതിലെ ലാഭേച്ഛയുള്ള ഏതെങ്കിലും ചൈനീസ് കമ്പനി താമസിയാതെ നല്ല “റോബോ സുന്ദരന്മാരെയും സുന്ദരികളെയും” മാർക്കറ്റിൽ എത്തിക്കുന്നത് നമുക്കും കാത്തിരിക്കാം!
