പാരിസ് : ചൊവ്വാഴ്ച പതിനേഴുകാരനെ പൊലീസ് വെടിവച്ചു കൊന്നതിനെ തുടര്‍ന്നുണ്ടായ പ്രക്ഷോഭം കൂടുതല്‍ പ്രദേശത്തേക്കു വ്യാപിച്ചു. പാരിസിലും സമീപപ്രദേശത്തും പൊലീസ് വിന്യാസം നാലിരട്ടിയാക്കി. സ്‌കൂളുകള്‍, ടൗണ്‍ ഹാള്‍, പൊലീസ് സ്റ്റേഷന്‍ ഉള്‍പ്പെടെ തൊണ്ണൂറിലേറെ പൊതുസ്ഥാപനങ്ങള്‍ പ്രക്ഷോഭകാരികള്‍ തീയിട്ടു. 150ലേറെ പൊലീസുകാര്‍ക്കു പരുക്കേറ്റു.
യുവാവിനെ അനുസ്മരിച്ചു നടത്തിയ മാര്‍ച്ചിനിടെ പൊലീസുമായി ഏറ്റുമുട്ടിയവര്‍ക്കു നേരെ കണ്ണീര്‍വാതകം പ്രയോഗിച്ചു. സുഹൃത്തുക്കള്‍ക്കൊപ്പം കാറില്‍ സഞ്ചരിച്ചിരുന്ന നാഹേല്‍ എന്ന യുവാവാണ് പാരിസിന്റെ പ്രാന്തപ്രദേശമായ നാന്‍ടെരയില്‍ കൊല്ലപ്പെട്ടത്.
