വത്തിക്കാൻ സിറ്റി : കർദിനാൾ റോബർട്ട് മക്ലെറോയെ വാഷിംഗ്‌ടൺ ഡിസിയുടെ അടുത്ത ആർച്ച് ബിഷപ്പായി ഫ്രാൻസിസ് മാർപാപ്പ നിയമിച്ചു. നിയുക്ത പ്രസിഡന്റ് ട്രoപിന്റെ കുടിയേറ്റ നയത്തിനെ രൂക്ഷമായി വിമർശിച്ച ആൾ ആണ് .
വാഷിംഗ്‌ടൺ ഡിസിയിലെ ആർച്ച് ബിഷപ്പായിരുന്ന കർദിനാൾ വിൽട്ടൺ ഗ്രിഗറി (77) യുടെ പിൻഗാമിയായിട്ടാണ് നിയമനം
വത്തിക്കാൻ ഡിപ്പാർട്ട്മെൻ്റിൻ്റെ ആദ്യ വനിതാ നേതാവായി സിസ്റ്റർ സിമോണ ബ്രാംബില്ലയെയും ഫ്രാൻസിസ് മാർപാപ്പ തിങ്കളാഴ്ച നിയമിച്ചു. കന്യാസ്ത്രീകൾ, സന്യാസിമാർ, പുരോഹിതർ എന്നിവരുടെ ഉത്തരവാദിത്തമുള്ള ഹോളി സീയുടെ മതപരമായ ജീവിത ഓഫീസിന്റെ പ്രധാനചുമതയായിരികും സിസ്റ്റർസിമോണ ബ്രാംബില്ലയ്ക്.
കഴിഞ്ഞ തവണ ട്രംപ് പ്രസിഡന്റായിരുന്ന പ്പോൾ അന്നത്തെ ബിഷപ്പായിരുന്ന മക്ലെറോയ് കാലിഫോർണിയയിലെ മോഡെസ്റ്റോയിൽ നടത്തിയ പ്രസംഗത്തിൽ ട്രംപിനെ വിമർശിച്ചിരുന്നു. കത്തോലിക്കർ കുടിയേറ്റ വിരുദ്ധ അജണ്ടയെ തടസ്സപ്പെടുത്തണമെന്ന് അഭ്യർത്ഥിക്കുകയും ചെയ്‌തിരുന്നു.
‘രേഖകളില്ലാത്തവരെ നാടുകടത്താനും അമ്മമാരെയും അച്ഛന്മാരെയും അവരുടെ കുടുംബങ്ങളിൽ നിന്ന് കൊള്ളയടിക്കാനും നമ്മുടെ തെരുവുകളിലേക്ക് സൈന്യത്തെ അയയ്ക്കാൻ ശ്രമിക്കുന്നവരെ നാം തടസ്സപ്പെടുത്തണം. അഭയാർഥികളെ ശത്രുക്കളായി ചിത്രീകരിക്കുന്നവരെ നാം തടസ്സപ്പെടുത്തണം എന്നായിരുന്നു അദ്ദേഹം ആ പ്രസംഗത്തിൽ പറഞ്ഞത്.
2016 ലെ ട്രംപിൻ്റെ ആദ്യ തിരഞ്ഞെടുപ്പ് വിജയത്തിന് ശേഷം, മക്ലെറോയ് ‘അമേരിക്കൻ രാഷ്ട്രീയ ജീവിതത്തിന്റെ ആത്മാവിൽ ആഴത്തിലുള്ള അസുഖം
ബാധിച്ചു എന്ന് വിലപിച്ചിരുന്നു. ‘നമ്മുടെ ആട്ടിൻകൂട്ടത്തിൽ പത്ത് ശതമാനത്തിലധികം നമ്മുടെ ഇടയിൽ നിന്ന് കീറിമാറ്റി നാടുകടത്തപ്പെടുമ്പോൾ കത്തോലിക്കർ ഒപ്പം നിൽക്കുന്നത് ‘ അചിന്തനീയമാണ്’ എന്നും അദ്ദേഹം പറഞ്ഞു.
പ്രസിഡന്റ്ജോ ബൈഡനുമായി വെള്ളിയാഴ്‌ച മാർപ്പാപ്പ വിടവാങ്ങൽ കൂടിക്കാഴ്‌ച നടത്തും.
