പി.പി ചെറിയാന്‍
കന്‍സാസ് സിറ്റി: ബുധനാഴ്ച കന്‍സാസ് സിറ്റി ചീഫ്‌സ് സൂപ്പര്‍ ബൗള്‍ പരേഡ് നടന്ന സ്ഥലത്തിന് സമീപം വെടിവയ്പുണ്ടായതായും നിരവധി പേര്‍ക്ക് പരിക്കേറ്റതായും അധികൃതര്‍ അറിയിച്ചു.
യൂണിയന്‍ സ്റ്റേഷനു ചുറ്റും വെടിയുതിര്‍ക്കുകയും ആളുകളോട് പ്രദേശം വിട്ടുപോകാന്‍ ആവശ്യപ്പെടുകയും ചെയ്തതായി കന്‍സാസ് സിറ്റി പോലീസ് എക്സില്‍ പങ്കിട്ടു.കന്‍സാസ് സിറ്റി ഫയര്‍ ഡിപ്പാര്ട്ട്മെന്റ് വെടിവയ്പ്പ് നടന്നതായി സ്ഥിരീകരിച്ചു,
എട്ട് മുതല്‍ 10 വരെ ആളുകള്‍ക്ക് പരിക്കേറ്റിട്ടുണ്ടെന്ന് ഫയര്‍ ഡിപ്പാര്ട്ട്മെന്റ് ബറ്റാലിയന്‍ ചീഫ് മൈക്കല്‍ ഹോപ്കിന്‍സ് പറഞ്ഞു, എന്നാല്‍ കൂടുതല്‍ പ്രതികരിക്കാന്‍ വിസമ്മതിച്ചതായി അസോസിയേറ്റഡ് പ്രസ് റിപ്പോര്‍ട്ട് ചെയ്തു.
അന്വേഷണത്തിന്റെ ഭാഗമായി ആയുധധാരികളായ രണ്ട് വ്യക്തികളെ കെസി പോലീസ് കസ്റ്റഡിയിലെടുത്തു.
ആദ്യം വെടിയേറ്റ ഇരകളെ ചികിത്സിക്കാന്‍ ‘എത്രയും വേഗത്തിലും സുരക്ഷിതമായും’ പ്രദേശം വിട്ടുപോകാന്‍ സമീപത്തുള്ളവരോടും അധികാരികള്‍ ആവശ്യപ്പെട്ടു
കൂടുതല്‍ വിവരങ്ങള്‍ ഉദ്യോഗസ്ഥര്‍ ഉടന്‍ പുറത്തുവിടുമെന്നാണ് പ്രതീക്ഷിക്കുന്നത്.
