ബ്ലെസ്സണ്‍-ഹ്യൂസ്റ്റണ്‍
കേരളത്തിലെ യുവാക്കള്‍ അതിക്രൂരമായ മാനസ്സിക വൈകൃതത്തിന് അടിമകളാണോ ഇന്ന്. കൊല്ലാനും ഏത് ക്രൂരത ചെയ്യാനും ഇന്ന് മടിയില്ലാത്തവരായിഎന്ന് തന്നെ പറയാം. കാരണം അത്തരം പ്രവര്‍ത്തികളാണ് ഇന്നവര്‍ കേരളത്തില്‍ ചെയ്തുകൊണ്ടിരിക്കുന്നത്. അടിപിടിയില്‍ നിന്ന് കൊല്ലാനും അത് അതി ക്രൂരമായി ചെയ്യാനും അവര്‍ക്കിന്ന് യാതൊരു മടിയുമില്ലഎന്നതിന്റെ ഏറ്റവും പുതിയ ഉദാഹരണമാണ് തിരുപനംതപുരത്ത് യുവാവ് നടത്തിയ അതി ക്രൂരമായകൊലപാതകം. തന്റെ കുടുംബത്തിലെ അഞ്ചോളം പേരെയും തന്നെ സ്‌നേഹിച്ച പെണ്‍കുട്ടിയെയും ഒരു ദയയുമില്ലാത്ത രീതിയില്‍ കൊന്നശേഷം അത് പോലീസ് സ്റ്റേഷനില്‍ ചെന്ന് കുറ്റബോധമില്ലാതെ പറഞ്ഞത് നിസ്സാരമായി കാണാന്‍ കഴിയില്ല. .
ഒരാളെ അല്ല അഞ്ചു പേരെയാണ് ഇയാള്‍ അതിക്രൂരമായി കോല ചെയ്തത്. അതും ഒരു ദിവസം തന്നെ മണിക്കൂറുകളുടെ ഇടവേളകളില്‍. മറ്റ് കുടുംബങ്ങളില്‍ ചില തല നാരിഴക്ക് രക്ഷപെടുകയാണുണ്ടത്. ഇത്ര ക്രൂരമായി കോലപാതകം ചെയ്യാന്‍ ഇയാളെ പ്രേരിപ്പിച്ച ഘടകമെന്താണ്. അതിക്രൂരമായ ഇങ്ങനെ കൊലപാതകം ചെയ്യാന്‍ ഇയാളെ പ്രേരിപ്പിച്ച ഘടകം എന്താണ്. ഗുരുതരമായ മാനസിക വിഭ്രാന്തി ഉള്ളവര്‍ക്ക് പോലും ഇത്ര ക്രൂരമായരീതിയില്‍ഇങ്ങനെ കൊലപാതകങ്ങള്‍ ചെയ്യാന്‍ കഴിയുമോ. അതിമാരകമായ മയക്കുമരുന്നിന് അടിമപ്പെടുന്നതാണോ ഇതിന് കാരണം. ചിലര്‍ പറയുന്നത് അക്രമ സിനിമകളില്‍ നിന്ന് ആവേശം ഉള്‍ക്കൊണ്ടാണെന്ന്.
എന്നാല്‍ ആര്‍ക്കും എന്താണ്ഈ കൊലപാതകത്തിന്റെ കാരണമെന്ന് കടത്താന്‍ കഴിയുന്നില്ല. എന്ത് തന്നെയായാലും ഒരു കാര്യം വ്യക്തമാണ് ഇയാള്‍ അതിക്രൂര മനോഭാവമുള്ള ആളാണെന്ന്. കേരളത്തില്‍ ഇത് ഒറ്റപ്പെട്ട സംഭവമല്ല. ഇതിനു മുന്‍പ് ഇതിന് സമാനായ സംഭവങ്ങള്‍ തിരുപനംതപുരത്തും കേരളത്തിന്റെ മാറ്റ് പല ഭാഗങ്ങളിലും നടന്നിട്ടുണ്ട്. അതില്‍ പ്രതികളായവര്‍ ഏറെയും യുവാക്കളായിരുന്നു. പ്രായപൂര്‍ത്തിയാകാത്ത കുട്ടികള്‍ പോലുമുണ്ടെന്നതാണ് ഏറെ അത്ഭുതം.
അക്രമ വാസന കൂടുന്ന തലമുറയാണ് ഇന്നത്തേത്. ഒരു ചെറിയ കാര്യത്തില്‍ പോലും കൊലപാതകമാണ് പരിഹാരം. ഒരാളോട് വിരോധമുണ്ടെങ്കില്‍ അയാളെ കൊല്ലാന്‍ മടിക്കാത്ത ഒരു തലമുറയാണ് ഇന്നത്തേത് പ്രത്യകിച്ച് യുവ തലമുറ. പ്രേമാഭ്യര്‍ത്ഥന നിരസിച്ചാല്‍ പെട്രോളൊഴിച്ച് കത്തിക്കുന്നതിനുപോലും മടിയില്ലാത്തവരാണ് നമ്മുടെ കൊച്ചു കേരളം. പണ്ട് ഉത്തരേന്ത്യയില്‍ നടന്നത് ഇന്ന് നമ്മുടെ കേരളത്തില്‍ നടക്കുന്നു. ഈ അടുത്ത കാലത്തായി യുവാക്കളുടെ ഇടയില്‍ അക്രമ പ്രവര്‍ത്തികള്‍ കൂടിവരുന്നു.
മദ്യവും മയക്കുമരുന്ന് ഉപയോഗവും ഇന്ന് സര്‍വ്വ സാധാരണമാണ് ഇന്ന് അവരുടെ ഇടയില്‍. അതില്‍ ആണ്‍കുട്ടികളും പെണ്‍കുട്ടികളും തുല്യരാണ്. പാശ്ചാത്യ രാജ്യങ്ങളിലെപ്പോലെ അല്ലെങ്കില്‍ അതിനേക്കാളുപരി മദ്യശാലകളില്‍ ആണും പെണ്ണും പോകുന്നത് കേരളത്തില്‍ ഇന്ന് സര്‍വ്വ സാധാരണമാണ് പരസ്യമായി മദ്യപിക്കുന്നത് ഒരു മഹത്തായ പ്രവര്‍ത്തിയായി ഇന്നവര്‍ കാണുന്നു.
ലൈവായും വിഡിയോ എടുത്തും അത് സോഷ്യല്‍ മീഡിയകളില്‍ കൂടി പൊതു ജനത്തെ അറിയിക്കാനും അവര്‍ക്ക് മടിയില്ല. എം.പി മന്മഥനെപ്പോലെയുള്ള സര്‍വോദയ നേതാക്കളുടെ നാട്ടിലാണ് ഇതെന്ന് ഓര്‍ക്കണം. മദ്യം വിഷമം അത് നിര്‍മ്മിക്കരുത് കൊടുക്കരുത് കുടിക്കരുത് എന്ന് ജനത്ത് ഉല്‍ഘോഷിച്ച ശ്രീനാരായണ ഗുരുവിന്റെ നാട്ടിലാണ് ഇത് നടക്കുന്നത് എന്ന് കൂടി ഓര്‍ക്കണം.
മദ്യവും മയക്കുമരുന്നും ഒഴുകുന്ന കേരളത്തില്‍ അതില്‍ നീന്തി തുടിക്കുന്നവരാണ് ഇന്നത്തെ കേരള സമൂഹം പ്രത്യേകിച്ച് യുവ തലമുറ. സ്‌കൂള്‍ പരിസരങ്ങളില്‍ ഇന്ന് യഥേഷ്ടം ഇവയൊക്കെ ലഭിക്കുന്നുണ്ട് . പണ്ട് സ്‌കൂളിനടുത്തുള്ള പെട്ടിക്കടകളില്‍ പെന്‍സിലും മിട്ടായിയുമായിരുന്നു വിറ്റിരുന്നതെങ്കില്‍ ഇന്ന് ആ സ്ഥാനത്ത് മയക്കുമരുന്ന് കുത്തിവയ്ക്കാനുള്ള സിറിഞ്ചും അതില്‍ നിറയ്ക്കാനുള്ള മയക്കുമരുന്നുമാണ് വില്‍ക്കുന്നത്.
അങ്ങനെ കേരളം മദ്യത്തിന്റെയും മയക്കുമരുന്നിന്റെയും പറുദീസയായി മാറുന്നു. അതിന്റെ പരിണിത ഫലമോ യുവാക്കള്‍ ഇന്ന് അതിന് അടിമകളാകുന്നുയെന്നതാണ്. അത് അവരെ അക്രമത്തിനും അതിക്രൂരതക്കും പ്രേരിപ്പിക്കുന്നു. ഇങ്ങനെ യഥേഷ്ടം ഒഴുകാന്‍ കാരണം എന്താണ്. നിയമത്തിന്റെ നിയമ പാലാക്കാരുടെ അഭാവമാണോ അതോ അവരുടെ അലംഭാവമോ ഉദാസീനതയാണോ. ഭരിക്കുന്നവരുടെ പിടിപ്പുകേടാണോ. അനധികൃത മാര്‍ഗ്ഗത്തില്‍ ക്കൂടി പണം ലഭിക്കുന്നതാണോ. ആരാണ് ഇതിന് ഉത്തരവാദികള്‍ എന്ന് കണ്ടതാണ് ആരും ശ്രമിക്കാറില്ല. കാരണം ആരും ഇത് കാര്യമായെടുക്കുന്നില്ല എന്നതു തന്നെ. ഒരു സംഭവം നടന്നാല്‍ അടുത്ത സംഭവം വരയെ അത് ആള്‍ക്കാര്‍ ഇന്ന് ഓര്‍ക്കാറുള്ളു. കാരണം ഇന്നത് ഒരു നിത്യ സംഭവമായി മാറിയിരിക്കുന്നു.
ഇതൊക്കെ നിയന്ത്രിക്കാന്‍ ഇന്നാട്ടില്‍ ഒരു ജനാധിപത്യ സര്‍ക്കാറുണ്ട്. പോലീസും നിയമവുമുണ്ട്. ബോധവല്‍ക്കരണം നടത്താന്‍ മത സാമൂഹിക സംഘടനകളുംഉണ്ട് . എന്നാല്‍ അവരൊക്കെ ഇന്ന് നിഷ്‌ക്രീയത്തമാണ് ചെയ്യുന്നത്. അതിന്റെ പരിണിത ഫലമാണ് ഇന്ന് നടന്നുകൊണ്ടിരിക്കുന്ന ഈ സംഭവങ്ങള്‍ക്ക് കാരണം. റ്റിജിങ്കിളും ഒരനിഷ്ട്ട സഭാവങ്ങള്‍ നടന്നാല്‍ ഒരു പ്രഹസനമെന്നത് പോലെ എന്തെങ്കിലുമൊന്ന് കാട്ടിക്കൂട്ടും പോലീസും അന്വഷണ ഉദ്യോഗസ്ഥരും. മത സാമൂഹിക സംസ്‌ക്കാരികര്‍ സോഷ്യല്‍ മീഡിയയില്‍ വന്ന് ഒരു പ്രഹസനം നടത്തും. അതോടെ അവരുടെയൊക്കെ ഉത്തരവാദിത്യം കഴിയും.
യുവാക്കളില്‍ അക്രമം വര്‍ധിക്കുന്നതിന് മദ്യവും മയക്കുമരുന്നും ഒരു പ്രധാന ഘടകമാണ്. അതുപോലെയാണ് സിനിമകളും. സിനിമകള്‍ ജനത്തെ സ്വാധിനിക്കുന്നുവെന്നു തന്നെ പറയാം. പ്രത്യകിച്ച് യുവാക്കളെ. നമ്മയെക്കാള്‍ തിന്‍മ സ്വാധിനിക്കുമെന്നത് പോലെ നല്ല സിനിമകളേക്കാള്‍ സമൂഹത്തിനെ തിന്‍മ്മയിലേക്ക് നയിക്കുന്ന സിനിമകള്‍ യുവാക്കളില്‍ സ്വാധീനം ചെലുത്തും. അതിന് ഉദാഹരണങ്ങള്‍ ധാരാളമുണ്ട്. കേരളത്തില്‍ ഇന്നിറങ്ങുന്ന പല സിനിമകളിലും അക്രമങ്ങളും ഗുണ്ടാ പ്രവര്‍ത്തനങ്ങളും തുടങ്ങി ബാങ്ക് കവര്‍ച്ച വരെയുണ്ട്.
ഇതൊക്കെ ഒരു പരിധിവരെ യുവാക്കളില്‍ ഹരമുണ്ടാക്കുകയും അനുകരിക്കാനുള്ള പ്രവണതയുണ്ടാക്കുകയും ചെയ്യുമെന്നത് തള്ളിക്കളയാനാകില്ല. മദ്യവും മയക്കുമരുന്നും അതിന് മേമ്പൊടിയായി സിനിമയും. അതുകൂടാതെ ദുര്‍ബലമായ നിയമ വ്യവസ്ഥയും ബലഹീനമായ പോലീസ്സ് സംവിധാനവും കൂടി ആയപ്പോള്‍ ആരെയും എന്തും ചെയ്യാമെന്ന മനോഭാവം ഉണ്ടാകുന്നു. അതാകാം ഇത്രയധികം കുറ്റകൃത്ത്യങ്ങള്‍ കേരളത്തില്‍ ഉണ്ടാകാന്‍ കാരണം. ഒരു കാര്യം വ്യക്തമാണ് ഇവിടെ നിയമം ശക്തവും മുഖം നോക്കാതെ നടപടിയെടുക്കുന്ന നിയമ പാലകരുമുണ്ടെങ്കില്‍ കുറ്റകൃത്യങ്ങള്‍ കുറ്റകൃത്യങ്ങള്‍ കുറയും.
അല്ലലില്ലാതെ മക്കളെ വാര്‍ത്തണമെന്ന ചിന്തയുമായി നടക്കുന്ന മാതാപിതാക്കള്‍ അവര്‍ക്ക് ആവശ്യത്തിലധികം പണം നല്‍കുന്നു. പണം വീട്ടില്‍ നിന്ന് കിട്ടിയില്ലെങ്കില്‍ മാറ്റ് അനധികൃത മാര്‍ഗത്തില്‍ കൂടി പണം സമ്പാദിക്കാന്‍ ഇവിടെ എല്ലാമുണ്ട്. അങ്ങനെയുള്ളവരെ ഉപയോഗിക്കാന്‍ മയക്കുമരുന്ന് ലോബി ഇന്ന് കേരളത്തില്‍ യഥേഷ്ടമുണ്ട് . ഇതാണ് ഇന്നത്തെ കേരളത്തിന്റെ അവസ്ഥ.
ഭരണ വര്‍ഗ്ഗമുണ്ട് നിയമമുണ്ട്. നിയമ വ്യവസ്ഥയുണ്ട് മത സാമൂഹിക സംകാരിക നേതാക്കള്‍ ആവശ്യത്തിലധികമുണ്ട്. എന്നിട്ടും കുറ്റകൃത്യം കേരളത്തില്‍ കൂടുന്നത് എന്തുകൊണ്ടാണ്. ആരാണ് ഇതിനുത്തരവാദികള്‍. എല്ലാവരും എന്ന് തന്നെ പറയാം. കേരളത്തില്‍ അക്രമ സംഭവങ്ങള്‍ കുടി വരുമ്പോള്‍ വീണ വായിച്ചിരുന്നാല്‍ എല്ലാ കത്തിനശിക്കും. ഉണര്‍ന്നു പ്രവര്‍ത്തിത്തിക്കേണ്ട സമയം അതിക്രമിച്ചുകഴിഞ്ഞിരിക്കുന്നു.
