ടെക്സാസ്(ഓസ്റ്റിൻ) : സെന്റ് തോമസ് മലങ്കര യാക്കോബായ സിറിയൻ ഓർത്തഡോക്സ് പള്ളിയിൽ വിശുദ്ധ തോമാശ്ലീഹായുടെ പെരുന്നാളും സെൻ്റ്തോമസ് ദിനാഘോഷവും പള്ളിപ്രതിഷ്ഠാ ദിനാചരണവും 26 , 27 തീയതികളിൽ നടത്തപ്പെടും.26ന് രാവിലെ11ന് കൊടിയേറ്റ്, തുടർന്ന് മൂന്നു മണി വരെ പള്ളി വിപുലീകരണ ധനശേഖരണാർദ്ധം ബ്ലൂം ഫെസ്റ്റ് കാർണിവലും ഭഷ്യ മേളയും .
27ന് രാവിലെ ഒൻപതിന് പ്രഭാതപ്രാർത്ഥന തുടർന്ന് സഭയിലെ സീനിയർ വൈദീകരായ ഗീവർഗീസ് കോറെപ്പിസ്ക്കോപ്പ ചട്ടത്തിൽ (ന്യൂയോർക്ക്), ബോബി ജോസഫ് കോറെപ്പിസ്ക്കോപ്പ (അറ്റ്ലാന്റ) ക്നാനായ അതിഭദ്രാസനത്തിലെ റവ:.ഡോ.ജോസഫ് മത്തായി (ഹൂസ്റ്റൺ) എന്നീ .വൈദീകശ്രേഷ്ഠരുടെ കാർമ്മികത്വത്തിൽ വിശുദ്ധ മൂന്നിൽമേൽ കുർബാനയും വി.മർത്തോമശ്ലീഹായുടെ ഓർമ്മയിൽ മദ്ധ്യസ്ഥ പ്രാർത്ഥനയും. 11ന് റാസ,തുടർന്ന് ഉച്ചഭക്ഷണം എന്നിവയോടെ പെരുന്നാൾ സമാപിക്കും.
ഭക്ഷ്യമേളയിൽ പങ്കാളിയാകാം
പള്ളിവിപുലീകരണ ധനശേഖരണാർഥം ഏപ്രിൽ 26ന് നടക്കുന്ന ഭക്ഷ്യമേളയിൽ നിരവധിയായ നാടൻ വിഭവങ്ങൾ പ്രശക്തരായ പാചക വിദഗ്ധരുടെ നേതൃത്വത്തിൽ തയ്യാറാക്കപ്പെടും.ഫുഡ് ഡെലിവെറിയും ക്രമീകരിച്ചിട്ടുണ്ട്. ഇതിൽ പങ്കെടുക്കുവാൻ താൽപ്പര്യപ്പെടുന്നവർ 22ന് മുൻപായി ഓർഡറുകൾ നൽകേണ്ടതാണെന്ന് സംഘാടകർ അറിയിച്ചു .
കൂടുതൽ വിവരങ്ങൾക്കും ഓർഡറുകൾ നൽകുന്നതിനുമായി പള്ളി സെക്രട്ടറി ടിങ്കു ഏബ്രഹാമിനെ (512) 994-7839 എന്ന നമ്പറിൽ ബന്ധപ്പെടുക.വിശുദ്ധ തോമാ ശ്ലീഹായുടെ മധ്യസ്ഥതയിൽ അഭയപ്പെട്ടുകൊണ്ടു നേർച്ച കാഴ്ചകളോടു കൂടി പെരുന്നാളിൽ സംബന്ധിച്ചു അനുഗ്രഹം പ്രാപിക്കാൻ വിശ്വാസികളായ എല്ലാവരെയും സ്വാഗതം ചെയ്യുന്നതായി ഇടവക വികാരി റവ. ഡോ. സാക് വർഗീസ് അറിയിച്ചു
ജിനു കുര്യൻ പാമ്പാടി
