വെസ്റ്റ് ടെക്സസ്: വനിതകൾ മാത്രം സംഘാഗങ്ങളായ ബഹിരാകാശ ദൗത്യം ബ്ലൂ ഒറിജിന്റെ എൻഎസ് 31 ചരിത്രം കുറിച്ച് വിജയകരമായി പൂർത്തീകരിച്ചു. ജെഫ് ബെസോസിന്റെ ബ്ലൂ ഒറിജിൻ കമ്പനിയുടെ ബഹിരാകാശ പേടകത്തിലാണ് ബഹിരാകാശദൗത്യം നടത്തിയത്. കർമാൻ രേഖയിലൂടെ സഞ്ചരിച്ച ക്രൂ ക്യാപസൂൾ ഭൂമിയിൽ തിരിച്ചെത്തി. 10 മിനിട്ട് ബഹിരാകാശത്ത് സഞ്ചരിച്ച ശേഷമാണ് സംഘം തിരിച്ചെത്തിയത്.
ആറ് വനിതകളാണ് ദൗത്യത്തിന്റെ ഭാഗമായിരിക്കുന്നത്. പോപ് ഗായിക ക്യേറ്റി പെറി, അമേരിക്കൻ പത്രപ്രവർത്തക ഗെയിൽ കിംഗ്, നാസയിലെ മുൻ ശാസ്ത്രജ്ഞ ആയിഷ ബോവ്, പൗരാവകാശ പ്രവർത്തക അമാൻഡ ന്യൂയെൻ, ചലച്ചിത്ര നിർമാതാവ് കരിൻ ഫ്ലിൻ, മാധ്യമ പ്രവർത്തകയുമായ ലോറൻ സാഞ്ചസ് എന്നിവരാണ് പുതുചരിത്രം കുറിച്ചത്.
