ജോയി തുമ്പമണ്
ഹ്യൂസ്റ്റന്: മലയാളി പെന്തക്കോസ്ത് കോണ്ഫറന്സ് ഉല്ഘാടനം ചെയ്തു. ഹ്യൂസ്റ്റനിലുള്ള ജോര്ജ്ജ് ആര് ബൗണ്
ഓഡിറ്റോറിയത്തില് വെച്ച് നടന്ന സമ്മേളനത്തില് നാഷണല് കണ്വീനര് പാസ്റ്റര് ഫിന്നി ആലുംമൂട്ടില് കോണ്ഫറന്സ് ഉദ്്ഘാടനം ചെയ്തു.
ഡോ. കെ പി മാത്യു അധ്യക്ഷത വഹിച്ചു. ലോക്കല് കോഡിനേറ്റര് പാസ്റ്റര് സണ്ണി താഴംപള്ളം സങ്കീര്ത്തനം വായിച്ചു.
ലോക്കല് സെക്രട്ടറി സജിമോന് ജോര്ജ്ജ് സ്വാഗതം പറഞ്ഞു.
ഇമ്മാനുവേല് കെ ബി യും പി സിനാക്ക് ഗായകസംഘവും ചേര്ന്ന് ഗാനങ്ങള് ആലപിച്ച് ആരാധനയ്ക്ക് നേതൃത്വം കൊടുത്തു.
നാഷണല് സെക്രട്ടറി രാജു പൊന്നോലില്, മുഖ്യാഥികളായ പാസ്റ്റര് ഫെയ്ത് ബ്ലസനെയും, ഡോക്ടര് സാബു വര്ഗീസ്നെയും
പരിചയപ്പെടുത്തി. കണ്വന്ഷന് തീം ആയ ‘മനസാന്തരത്തിനു യോഗ്യമായ ഫലം കായിപ്പിന്’ എന്ന വിഷയത്തെ ആധാരമാക്കി പാസ്റ്റര് ബ്ലസ്സന് സന്ദേശം അറിയിച്ചു.
സമ്മേളനത്തില് നിരവധിപ്പേര് പങ്കെടുത്തു. സമ്മേളനം മൂന്നു ദിവസങ്ങളിലാണ് നടക്കുന്നത്