ജീമോന്‍ ജോര്‍ജ്ജ്, ഫിലഡല്‍ഫിയ
ഫിലഡല്‍ഫിയ: സഹോദരീയ നഗരത്തിലെ ഇതര സാമൂഹിക സാംസ്‌കാരിക പ്രാദേശിക സംഘടനകളുടെ ഐക്യവേദിയായ ട്രൈസ്റ്റേറ്റ് കേരള ഫോറമിന്റെ ആഭിമുഖ്യത്തിലുള്ള വമ്പിച്ച ഓണാഘോഷ മഹോത്സവം ആഗസ്റ്റ് 31-ാം തീയതി ശനിയാഴ്ച ഉച്ചയ്ക്ക് 12 മണി മുതല്‍ രാത്രി9 വരെ സെ.തോമസ് സീറോ മലബാര്‍ കാത്തലിക് ദേവാലയത്തിന്റെ ആഡിറ്റോറിയത്തില്‍ വച്ച് (608, Welsh Rd, Philadelphia, PA, 19115) വളരെ വിപുലമായിട്ട് നടത്തുന്നതാണ്.
പ്രവാസി മലയാളികളുടെ ഇടയിലെ ഏറ്റവും വലിയ ജനപ്രിയ ഓണാഘോഷങ്ങളിലൊന്നായ ‘ആരവം 2024’ എന്നു നാമകരണം ചെയ്തിരിക്കുന്ന ഈ ഓണാഘോഷ മഹോത്സവത്തിന്റെ കേളീകൊട്ടിനായിട്ടുള്ള അവസാനവട്ട ഒരുക്കങ്ങള്‍ പൂര്‍ത്തിയായി വരികയാണെന്നും ട്രൈസ്റ്റേറ്റ് കേരള ഫോറമിന്റെ ഓണാഘോഷങ്ങള്‍ പരമ്പരാഗത രീതിയില്‍ നിന്നും തികച്ചും വ്യത്യസ്തവും നൂതനവുമായിരിക്കുമെന്ന് അബിലാഷ് ജോണ്‍(ചെയര്‍മാന്‍, ട്രൈസ്റ്റേറ്റ് കേരള ഫോറം) അറിയിച്ചു.
തനി മലയാള തനിമയോടു കൂടിയ ഹരിതകേരളീയ പശ്ചാത്തലത്തിലുള്ള ഓണാഘോഷങ്ങളാണ് എക്കാലത്തും ട്രൈസ്റ്റേറ്റ് കേരള ഫോറം ജനങ്ങള്‍ക്കായി ഒരുക്കുന്നതെന്നും ആയതിലേക്ക് എല്ലാ മലയാളി സൂഹൃത്തുക്കളുടെയും സഹകരണം ആവശ്യമാണെന്നും ഫിലിപ്പോസ് ചെറിയാന്‍(ട്രഷറാര്‍, ട്രൈസ്റ്റേറ്റ് കേരള ഫോറം) പറയുകയുണ്ടായി.
ഭാവി തലമുറയിലൂടെ മലയാള നാടിന്റെ ചരിത്രപരമായ ഗുഹാതുരത്വമുണര്‍ത്തുന്ന ഓര്‍മ്മകള്‍ പരസ്പരം പങ്കുവെക്കുന്നതിനും കൈമാറുന്നതിനുമായിട്ടാണ് ഇതുപോലുള്ള ആഘോഷങ്ങള്‍ക്ക് നേതൃത്വം കൊടുത്തുവരുന്നതെന്ന് ബിനു മാത്യു(ജന.സെക്രട്ടറി, ട്രൈസ്റ്റേറ്റ് കേരള ഫോറം) അറിയിച്ചു. വരുംതലമുറയിലേക്ക് നാടിന്റെ ചരിത്രപരമായ പൈതൃകങ്ങള്‍ പങ്കുവെക്കുന്നതിനായിട്ട് സാമൂഹിക, സാംസ്‌കാരിക വേദികളിലാണ് ഓണാഘോഷങ്ങള്‍ നടത്തേണ്ടതെന്ന് ജോബി ജോര്‍ജ്ജ്(ചെയര്‍മാന്‍, ഓണാഘോഷം) പറയുകയുണ്ടായി.
മലയാളികളുടെ ദേശീയോത്സവമായ ഓണാഘോഷത്തിന്റെ പവിത്രത ഒട്ടും നഷ്ടപ്പെടുത്താതെ പ്രവാസികളുടെ ഇടയില്‍ ആഘോഷിച്ചുവരുന്ന ഓണാഘോഷത്തില്‍ വിശിഷ്ടാതിഥികളെ ആനയിച്ചുകൊണ്ടുള്ള കേരളീയ സാംസ്‌കാരികത വിളിച്ചോതുന്ന ഘോഷയാത്ര പൊതുസമ്മേളനം ചെണ്ടമേളം മാവേലി മന്നന്റെ എഴുന്നള്ളത്ത്, മെഗാതിരുവാതിര, അത്തപൂക്കളം, അവാര്‍ഡുദാനങ്ങള്‍, വിഭവസമൃദ്ധമായ ഓണസദ്യ, കര്‍ഷക രത്‌നം അവാര്‍ഡു ദാനം മലയാളി മങ്ക-മന്നന്‍ മത്സരം, ഓട്ടംതുള്ളല്‍, കഥകളി, പുലികളി, മോഹിനിയാട്ടം, വിവിധ നൃത്തവിദ്യാലയങ്ങളുടെ നൃത്തങ്ങള്‍, സംഗീത സാന്ദ്രമായ ഗാനമേള തുടങ്ങിയ നിരവധി വ്യത്യസ്തമായ കലാപരിപാടികള്‍ ഒരുക്കിയിട്ടുള്ളതായി വിന്‍സെന്റ് ഇമ്മാനുവേല്‍(പ്രോഗ്രാം കോര്‍ഡിനേറ്റര്‍) അറിയിക്കുകയുണ്ടായി.
അലക്‌സ് തോമസ്, ജോര്‍ജ് ഓലിക്കല്‍, സാജന്‍ വര്‍ഗീസ്, സുധാകര്‍ത്ത, സുരേഷ് നായര്‍, ജോണ്‍ പണിക്കര്‍, രാജന്‍ ശമുവേല്‍, റോണീ വര്‍ഗീസ്, കുര്യന്‍ രാജന്‍, ജോര്‍ജ്ജ് നടവയല്‍, സുമോദ് നെല്ലികാല, ജോസഫ് മാണി, ജോര്‍ജുകുട്ടി ലൂക്കോസ്, ശോമ്മ ചെറിയാന്‍, ബ്രിജിറ്റി വിന്‍സെന്റ്, ആശാ അഗസ്റ്റിന്‍, സെലിന്‍ ഓലിക്കല്‍, അരുണ്‍ കോമാട്ട്, സാറാ ഐപ്പ്, അലക്‌സ് ബാബു, ജോര്‍ജി കടവില്‍, പി.കെ. സോമരാജന്‍, തുടങ്ങിയവരുടെ നേതൃത്വത്തിലുള്ള വിവിധ കമ്മറ്റികള്‍ ഓണാഘോഷ മഹോത്സവത്തിന്റെ വന്‍വിജയത്തിനായിട്ടുള്ള വിപുലമായ ക്രമീകരണങ്ങള്‍ നടത്തിവരുന്നതായി ട്രൈസ്റ്റേറ്റ് കേരള ഫോറമിന്റെ പത്രകുറിപ്പില്‍ അറിയിക്കുകയുണ്ടായി.
